Viðskipti innlent

Stefán Rafn söðlar um og færir sig fjær Kaplakrika

Kolbeinn Tumi Daðason skrifar
Stefán Rafn Sigurmansson í leik með Haukum.
Stefán Rafn Sigurmansson í leik með Haukum. Vísir/Vilhelm

Stefán Rafn Sigurmannsson, leikmaður Hauka í handbolta, hefur flutt sig yfir til Ás fasteignasölu en áður starfaði hann á fasteignasölunni Hraunhamri. Þetta kemur fram í tilkynningu frá Ás. Hraunhamar er í næsta nágrenni við Kaplakrika, vígi FH-inga, en Ás staðsett í miðbæ Hafnarfjarðar.

Stefán er löggiltur fasteignasali og er búsettur og uppalinn í Hafnarfirði. Hann er í sambúð með Þórhildi Sigurðardóttur og eiga þau tvö börn, eina stúlku og einn dreng. Stefán spilar handbolta með Haukum en hann hefur einnig spilað með íslenska landsliðinu og sem atvinnumaður erlendis á handboltaferlinum.

Ás fasteignasala var stofnuð árið 1988 og er staðsett við Fjarðargötu 17 í Hafnarfirði. Eigendur Ás eru feðgarnir Aron Freyr Eiríksson og Eiríkur Svanur Sigfússon.

Hafnarfjörður Haukar Vistaskipti


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið