Innlent

„Skyn­sam­legri nýting á tíma“

Atli Ísleifsson skrifar
Aðalsteinn Leifsson ríkissáttasemjari.
Aðalsteinn Leifsson ríkissáttasemjari. Vísir/Vilhelm

Aðalsteinn Leifsson ríkissáttasemjari segir að það hafi verið ákveðið að fresta fyrirhuguðum fundi samninganefnda Eflingar og Samtaka atvinnulífsins að höfðu samráði við samninganefndir. Fundi samninganefnda hefur verið frestað til 4. janúar næstkomandi.

„Ljóst var að það yrði skynsamlegri nýting á tíma að fresta fundi og fara þess í stað í sameiningu yfir ýmis gögn og upplýsingar á sérstökum vinnufundi á morgun,“ segir Aðalsteinn.

Ríkissáttasemjari hafði áður boðað samninganefndir á fund í dag, en segir að vinnan nú miði að því að undirbúa næsta samningafund sem boðaður er á miðvikudaginn í næstu viku, milli 13 og 15.

Halldór Benjamín Þorbergsson, framkvæmdastjóri Samtaka atvinnulífsins, sagði eftir lok samningafundar þann 22. desember að erfitt gæti reynst að semja um afturvirkni samninga við Eflingu dragist gerð nýs kjarasamnings fram yfir áramót.

Aðspurður um þetta segir Aðalsteinn að frestun fundarins nú muni ekki hafa áhrif á einstaka samningsatriði, en vill þó tjá sig frekar um það.

Kjaramál Kjaraviðræður 2022

Tengdar fréttir

Afturvirkni samninga gæti verið í hættu dragist þeir á langinn

Framkvæmdastjóri Samtaka atvinnulífsins segir að erfitt gæti reynst að semja um afturvirkni samninga við Eflingu dragist gerð nýs kjarasamnings fram yfir áramót. Formaður Eflingar segir furðulegt ef refsa eigi eflingarfólki fyrir öfluga kjarabaráttu.

Fundi Eflingar og SA frestað fram á nýtt ár

Fyrirhuguðum fundi samninganefnda Eflingar og Samtaka atvinnulífsins, sem fara átti fram í dag, hefur verið frestað fram á næsta ár. Þess í stað mun vinnufundur minni hóps fara fram á morgun.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið