Fótbolti

Gló­dís Perla og stöllur í Bayern svo gott sem komnar á­fram

Runólfur Trausti Þórhallsson skrifar
Glódís Perla var á sínum stað í byrjunarliði Bayern.
Glódís Perla var á sínum stað í byrjunarliði Bayern. Xavi Bonilla/Getty Images

Bayern München vann öruggan 4-0 útisigur á Rosengård í Meistaradeild Evrópu í kvöld. Sigurinn þýðir að Bayern er svo gott sem komið í 8-liða úrslit. Glódís Perla Viggósdóttir var að leika sinn 50. leik fyrir Bayern.

Glódís Perla var að venju í hjarta varnarinnar hjá Bayern. Hinum megin á vellinum var Guðrún Arnardóttir í hjarta varnarinnar hjá Rosengård. Tainara de Souza da Silva kom Bayern yfir á 39. mínútu og þannig var staðan í hálfleik.

Glódís Perla nældi sér í gult spjald á 63. mínútu og þremur mínútum síðar tvöfaldaði Sydney Lohmann forystu Bæjara.

Hin enska Georgia Stanway skoraði þriðja mark Bayern og Julia Landenberger bættu við mörkum og öruggur 4-0 sigur Bayern staðreynd.

Bayern fór með sigrinum upp á topp D-riðils, um stundarsakir allavega. Sigurinn þýðir að Bayern er svo gott sem komið áfram. Vinni Barcelona sigur á Benfica síðar í kvöld þá er Bayern komið áfram í 8-liða úrslit.




Fleiri fréttir

Sjá meira


×