Dusty gaf leikinn

Snorri Rafn Hallsson skrifar
dusty

Lið Dusty og Viðstöðu áttu að mætast í 11. umferð Ljósleiðaradeildarinnar í CS:GO í gærkvöldi en Dusty mætti ekki til leiks. Liðið átti að keppa í ESEA deildinni gegn Team Impression á sama tíma en andstæðingar þeirra í báðum leikjum gátu ekki spilað á öðrum tíma.

Dusty neyddist því til að gefa annan hvorn leikinn og líklega vegna sterkrar stöðu þeirra í Ljósleiðaradeildinni ákvað liðið að spila frekar í ESEA deildinni þar sem liðið vann Team Impression 2–1.

Dusty er enn sem komið er jafnt Atlantic á toppi deildarinnar, en Atlantic á þó leik til góða. Stigin tvö koma Viðstöðu svo ágætlega sem er nú jöfn Ármanni, SAGA og Breiðabliki í 5.-8. sæti.

Næstu leikir liðanna:

  • Ármann – Dusty, þriðjudaginn 3/1, klukkan 20:30
  • Breiðablik – Viðstöðu, fimmtudaginn 5/1, klukkan 21:30

Sýnt verður frá leikjunum á Stöð 2 Esport og á Twitch síðu Rafíþróttasamtaka Íslands.

Leikirnir






    Fleiri fréttir

    Sjá meira