Körfubolti

Kanye West segist hafa komið að Kim Kardashian með Chris Paul

Óskar Ófeigur Jónsson skrifar
Chris Paul hefur verið svolítið frá keppni með Phoenix Suns á þessu tímabili vegna meiðsla.
Chris Paul hefur verið svolítið frá keppni með Phoenix Suns á þessu tímabili vegna meiðsla. Getty/Stephen Maturen

Stórstjörnur í NBA körfuboltanum eru farnir að dragast inn í hringavitleysuna sem er í gangi í kringum tónlistarmanninn og tískuhönnuðinn Kanye West.

Kanye West, eða Ye eins og hann kallar sig þessa dagana, fer mikinn á samfélagsmiðlum og hann henti fram sprengju á Twitter í gær.

West sakaði þá NBA-stórstjörnuna Chris Paul um að framhjáhald með þá eiginkonu tónlistarmannsins, Kim Kardashian.

Chris Paul hefur verið í hóp bestu körfuboltamanna NBA-deildarinnar síðan að hann kom inn í deildina árið 2005. Paul spilar nú með liði Phoenix Suns en hann hefur fjórum sinnum verið valinn í lið ársins í NBA og sjö sinnum í besta varnarlið ársins í NBA.

Paul hefur verið giftur Jada Crawley frá 2011 en þau kynntust í háskóla. Eiga þau tvö börn saman.

West sannar mál sitt og framhjáhaldið með því að segja að hann hafi hreinlega komið að þeim Kim og Chris.

West hafði fyrr um kvöldið birt mynd af hakakrossi ofan á Davíðsstjörnu og fengið í framhaldinu rauða spjaldið frá Twitter-kónginum Elon Musk.

Eftir að Musk sagði að þetta væri komið gott hjá Kanye þá henti Kanye West fram þessari svakalegu sprengju.

West birti mynd af Chris Paul og undir það skrifaði hann: „Við skulum brjóta einn glugga í viðbót áður en ég fer héðan. Kom að þessum gæja með Kim. Góða nótt.“

Það eru auðvitað ekki nærri því allir sem trúa þessu enda ýmisleg misviturlegt komið frá Ye en hann fékk alla vega mikil viðbrögð á samfélagsmiðlum í kjölfarið.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.