Eiki47 og félagar hans í Fylki mættu toppliði Atlantic Esports Iceland í fyrri viðureign gærkvöldsins þegar tíunda umferð Ljósleiðaradeildarinnar hófst eftir tæplega þriggja vikna pásu.
Fylkisliðið situr í næst neðsta sæti deildarinnar og því var ljóst að verkefni gærkvöldsins yrði erfitt fyrir liðið.
Liðin áttus við á kortinu Nuke og að lokum var það Atlantic Esports Iceland sem hafði betur, 16-7. Það var þó liðsmaður Fylkis, Eiki47, sem átti tilþrif gærkvöldsins þegar hann tók út bæði RavlE og PANDAZZ á örskotstundu, vopnaður aðeins skammbyssu. Tilþrifin má sjá í spilaranum hér fyrir neðan.
