Kvöldfréttir Stöðvar 2

Sunna Sæmundsdóttir skrifar 29. nóvember 2022 18:01

Sindri Sindrason les fréttir klukkan 18:30.

Framkvæmdastjóri Samtaka atvinnulífsins segir að samningar við fjölmennustu stéttarfélögin hljóti að verða leiðandi í samningum við aðra um skammtímakjarasamning. Hann og margir forystumanna verkalýðshreyfingarinnar stefna á að ljúka samningum fyrir mánaðamót en ekki er eining um að það geti tekist

Fulltrúar vinnumarkaðarins hafa setið á fundum í dag. Við förum yfir málið í kvöldfréttum Stöðvar 2 og greinum frá nýjustu upplýsingum í beinni útsendingu.

Átján ára stúlka, sem á þarf að fara í aðgerð á krossbandi í desember, þarf að greiða ríflega hundrað og þrjátíu þúsund krónum meira fyrir aðgerðina en ef hún hefði farið í hana nú í nóvember. Samningsleysi á milli sérgreinalækna og Sjúkratrygginga er sagt skýra þessa hækkun. Nánar verður fjallað um málið í kvöldfréttum.

Mestu framkvæmdir í miðborg Hafnarfjarðar í áratugi eru fram undan. Skóflustungan var tekin í kvöld og við verðum í beinni þaðan og sýnum myndir af væntanlegri uppbyggingu.

Þá heyrum við í þingmanni Sjálfstæðisflokksins sem gagnrýnir að söfnuðir hafi tekið fyrir kirkjuheimsóknir barna í aðdraganda jóla og kynnum okkur nýja og magnaða tækni sem gerir fólki kleift að búa til listaverk í tölvu á skömmum tíma.

Þetta og margt fleira á samtengdum rásum Bylgjunnar og Stöðvar 2 klukkan 18:30.

Kvöldfréttir Stöðvar 2

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.