Viðskipti innlent

Gunnar á­fram hafnar­stjóri Faxa­flóa­hafna

Kjartan Kjartansson skrifar
Gunnar Tryggvason hefur starfað fyrir Faxaflóahafnir frá árinu 2016.
Gunnar Tryggvason hefur starfað fyrir Faxaflóahafnir frá árinu 2016. Vísir/Arnar

Stjórn Faxaflóahafna samþykkti að ráða Gunnar Tryggvason sem hafnarstjóra Faxaflóahafna á fundi sínum í morgun. Ráðgefandi hæfnisnefnd er sögð hafa mælt einróma með ráðningu Gunnars í stöðuna.

Gunnar hefur verið starfandi hafnarstjóri frá því í maí. Hann tók við af Magnúsi Þór Ásmundssyni sem var ráðinn forstjóri RARIK í vor.

Sjö sóttu um stöðu hafnarstjóra þegar hún var auglýst til umsóknar í sumar. Gunnar var sviðsstjóri viðskiptasviðs Faxaflóahafna og staðgengill forstjóra.

Gunnar er fæddur árið 1969 og er menntaður rafmagnsverkfræðingur, að því er sagði í tilkynningu Faxaflóahafna þegar hann var ráðinn sem aðstoðarhafnarstjóri árið 2016. Frá 2008 starfaði hann sem fjármálastjóri og aðstoðarframkvæmdastjóri Allrahanda Grey Line ehf. Eftir það var hann ráðgjafi hjá KPMG og sérhæfði sig í orku- og iðnaðarmálum.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.