Viðskipti innlent

Eyes­land með hag­kvæmasta til­boðið á Kefla­víkur­flug­velli

Atli Ísleifsson skrifar
Svona er ætlunin að verslunin líti út.
Svona er ætlunin að verslunin líti út. Isavia

Íslenska gleraugnaverslunin Eyesland átti hagkvæmasta tilboðið í samkeppni um rekstur gleraugnaverslunar á Keflavíkurflugvelli. Fyrirtækið mun því opna verslun í flugstöðinni á fyrsta ársfjórðungi næsta árs.

Frá þessu segir í tilkynningu frá Isavia. Opnað var fyrir útboð fyrir gleraugnaverslun fyrr á þessu ári og sendu tvö fyrirtæki inn gögn til þátttöku.

Fram kemur að við mat á tilboðunum hafi verið horft til tveggja meginþátta, tæknilegs og fjárhagslegs. Sérfræðiteymi væru á bak við hvorn matsflokk en litið var til vöruúrvals, gæði, þjónustu og verðs, hönnunar, sjálfbærni og markaðssetningar.

Eyesland var stofnað árið 2010. 

„Isavia ber að bjóða út verslunar- og veitingarými á Keflavíkurflugvelli sem ná yfir lágmarks virði á samningstímanum. Útboðunum er ætlað að tryggja samkeppni til hagsbóta fyrir neytendur og rekstraraðila. Útboðin eru auglýst á Evrópska efnahagssvæðinu. Isavia fylgir lögum og reglum um opinber innkaup. Útboð Isavia byggjast á grundvelli reglugerðar nr. 950/2017 um sérleyfissamninga um verk og þjónustu,“ segir í tilkynningunni.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.