Vísitala íbúðaverðs á höfuðborgarsvæðinu hækkar um 0,6 prósent milli september og október.Vísir/Vilhelm
Vísitala íbúðaverðs á höfuðborgarsvæðinu hækkaði um 0,6 prósent milli september og október. Verð á sérbýli lækkar um 0,7 prósent en verð íbúða í fjölbýli hækkar um 0,9 prósent.
Almennt hefur hægt á íbúðamarkaði og spár gera nú ráð fyrir afar hófstilltri verðþróun. Bankinn gerir enn ráð fyrir því að íbúðaverð standi nánast í stað á næstu mánuðum.
Með hærri vöxtum og þrengri lánþegaskilyrðum er erfiðara fyrir fólk að kaupa íbúð. Það leiðir til þess að eftirspurn dregst saman og verðþróun verður hófstilltari. Tólf mánaða takturinn hefur ný lækkað nokkra mánuði í röð og mælist nú 21,5 prósent. Þegar mest lét á í júlí mældist hann 25,5 prósent. Bankinn telur að takturinn muni halda áfram að lækka.
Hækkun á verði fjölbýlis bendir til þess að fasteignamarkaðurinn sé farinn að taka við sér á ný eftir snögga kælingu í sumar. Vísitala íbúðaverðs hækkaði um 0,6 prósent í október samkvæmt nýbirtum tölum Húsnæðis- og mannvirkjastofnunar.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
