Viðskipti innlent

Loka Lauga-Ási eftir 43 ára starf­semi

Atli Ísleifsson skrifar
Veitingastaðurinn Lauga-Ás opnaði 25. júní 1979, á afmælisdegi móður stofnandans Ragnars Guðmundssonar.
Veitingastaðurinn Lauga-Ás opnaði 25. júní 1979, á afmælisdegi móður stofnandans Ragnars Guðmundssonar. Lauga-Ás

Veitingastaðnum Lauga-Ási á Laugarásvegi 1 í Reykjavík verður lokað í næsta mánuði. Staðurinn hefur verið starfræktur síðan 1979, en veisluþjónusta verður þó áfram starfrækt undir merkjum staðarins.

Þetta kom fram í þættinum Matur og heilbrigði á Útvarpi Sögu í gær þar sem meðal annars var rætt við Ragnar Guðmundsson, stofnanda staðarins.

Ragnar sagði að fastagestir staðarins og skötuunnendur munu þó ekki þurfa að örvænta heldur verður venju samkvæmt boðið upp á skötu dagana fyrir jól. Í gegnum árin hefur mikill fjöldi fólks leitað á Lauga-Ás fyrir jólin til að fá sína skötu. Þorláksmessa vreður hins vegar síðasti dagurinn þar sem staðurinn verður opinn.

„Þá er minn tími búinn,“ segir Ragnar. Hann segir að þó verði áfram „eitthvert húllumhæ“ á staðnum í janúar en að það verði nánar auglýst síðar.

Að neðan má sjá frétt Stöðvar 2 þar sem sagt var frá 35 ára afmæli staðarins árið 2014.

Þó að Ragnar muni að hætta að standa vaktina muni sonur Ragnars, Guðmundur Ragnarsson, áfram starfrækja veisluþjónustuna. Þeir feðgar hafa rekið saman veitingastaðinn og veisluþjónustuna síðustu ár.

Veitingastaðir Reykjavík Tímamót


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið