Veiði

Laxveiðileyfin hækka fyrir næsta sumar

Karl Lúðvíksson skrifar
Laxveiðileyfi hækkað nokkuð á milli ára
Laxveiðileyfi hækkað nokkuð á milli ára

Það fer ekkert framhjá neinum að það eru verðhækkanir í þjóðfélaginu á Íslandi og veiðileyfi fara ekki varhluta af því.

Laxveiði er dýrt sport, það vefst ekki fyrir neinum, en þegar eftirspurn er mikil þá er ekki mikið mál að selja þau veiðileyfi sem eru á boðsstólnum. Við stutta könnum á veiðileyfum þá eru algengt að verðin séu að hækka um 10% á milli ára en það eru dæmi um allt að 30% hækkun. Íslenskir veiðimenn eru farnir að tala um að það sé verið að verðleggja þá út af markaðnum og það má alveg sjá sannleika í því en það verður samt að skoða málið í því samhengi að þetta ræðst einfaldlega af framboði og eftirspurn.

Veiðivísir spáir því að erlendum veiðimönnum eigi eftir að fjölga á næsta ári og þá sérstaklega frá Bandaríkjunum en dollarinn er sterkur gagnvart krónunni þessa dagana og þegar staðan er þannig eru bandarískir veiðimenn og veiðileyfasalar yfirleitt fljótir að tryggja sér daga. Sá hópur sem kemur til Íslands frá bæði bandaríkjunum og Evrópu að veiða setur ekki fyrir sig að greiða 150-250 þúsund fyrir daginn og sumir borga mun meira en það. 




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.