Jákvæð styrking út í samfélagið

Samkaup 11. nóvember 2022 17:00

Gunnur Líf Gunnarsdóttir, framkvæmdastjóri mannauðssviðs Samkaupa. Samkaup

„Meistaramánuður gekk vel í ár og það var greinilegt að átakið vakti kátínu víða í samfélaginu. Um 1500 manns tóku formlega þátt í átakinu auk starfsfólks Samkaupa sem telja yfir 1400 manns,“ segir Gunnur Líf Gunnarsdóttir, framkvæmdastjóra mannauðs- og samskiptasviðs Samkaupa en Samkaup er nú í annað sinn stærsti bakhjarl lífsstílsátaksins Meistaramánaðar.

Meistaramánuður fór fram í október síðastliðinn og voru markmiðin af ýmsum toga. Margir lögðu áherslu og næringu og hreyfingu, aðrir að ná betri stjórn á tímanum, skipulaginu og matarinnkaupunum. Margir settu snýr að hagstæðari innkaupum sem var sniðugt þar sem mörg góð tilboð voru í gangi allan meistaramánuðinn. Starfsfólk Samkaupa setti sér einnig markmið.

„Innri markmið hjá okkur voru einnig fjölbreytt og settu sumar verslanir sér markmið í sameinginu, sem hefur reynst einstaklega vel fyrir starfsandann,“ segir Gunnur Líf. „Í grunninn fellur Meistaramánuður vel að starfsemi og gildum Samkaupa. Markmið Samkaupa snúa að heilsueflingu bæði fyrir viðskiptavini og starfsfólk, og er með sérstöðu og framsækni þegar kemur að heilsutengdum vörum.“

Meistaramánuður kominn til að vera

„Ég held að öll átaksverkefni sem snúa að því að við vinnum í okkur, í liðinu okkar – hafi jákvæð áhrif út í samfélagið. Við sjáum það t.d. í gengum Lífshlaupið, Hjólað í vinnuna, Slöbbum saman og svo framvegis. Öll svona tímabil þar sem við erum að fókusa inn á við hjá hverjum og einum, fókus á heilsu og góðan lífsstíl, að við séum besta útgáfan af okkur sjálfum, er bara jákvæð styrking út í samfélagið. Meistaramánuður verður hér aftur að ári – og áfram höldum við að þróa hugmyndafræðina á bak við mánuðinn.“