Samstarf

Jólagjöf sem safnar ekki ryki

Icelandair

„Hvað á ég að hafa í matinn?“ er spurning sem flestir kannast við. Eftir því sem skammdegið hellist yfir og jólin nálgast verður önnur spurning smám saman fyrirferðarmeiri: „Hvað á ég að gefa í jólagjöf?“

Svarið getur vafist fyrir okkur. Óskalisti ástvina og ættinga er oft tómlegur. Fólk á allt eða veit ekki hvað það vill. Það er lítið gaman að gefa fólki gjafir sem það kærir sig ekki um að nota, en taka engu að síður pláss í hillum eða geymslum.

Gjafabréf leysa þennan vanda. Þiggjandinn velur gjöfina. Og ef gjafabréfið er fyrir upplifun frekar en hluti er engin hætta á að gjöfin safni ryki þegar fram í sæki.

Hvað er þá betri jólagjöf en gjafabréf sem opnar yfir fjörutíu dyr út í heim? Ævintýrin eru nefnilega handan við hornið með Icelandair. Og ekki taka minningarnar pláss upp í hillu.

„Gjafabréfin okkar eru mjög góð að því leyti að þú getur notað þau á alla okkar áfangastaði og í viðskiptum við VITA ferðaskrifstofu,“ segir Oddur Finnsson, markaðsmaður hjá Icelandair. „Þetta er í raun gjöf sem allir geta notið. Sama hver fjárhæðin er, bréfið mun alltaf koma að gagni. Svo er líka vert að minnast á að hægt er að kaupa gjafabréf fyrir Vildarpunkta.“

Hann segir jafnframt að vinsælt sé að gefa gjafabréf upp í vinaferðir á Enska boltann, sólarlandaferðir með fjölskyldunni, tónleikaferðir og þar fram eftir götunum. Þá kjósi sumir að pakka gjafabréfinu inn í skókassa eða slíkt til þess að hafa meiri leynd yfir öllu.

Verður gjöfin þín gjöfin þín?

Icelandair stendur líka fyrir skemmtilegum leik í nóvember og desember. Á hverjum föstudegi fram að jólum verður hægt að vinna 100.000 króna gjafabréf. Og hvorki meira né minna en 500.000 króna á Þorláksmessu. Allir sem kaupa gjafabréf fyrir andvirði 10.000 króna eða meira, hvort heldur greitt er með peningum eða Vildarpunktum, fara sjálfkrafa í pottinn. Hvert gjafabréf margfaldar möguleikann á að vera dreginn. Fimm gjafabréf fimmfalda þannig vinningslíkurnar.

Hægt er að lesa meira um gjafabréfin og leikinn hér 





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.