Neytendur

„Skjálftamælar okkar hagfræðinga eru byrjaðir að blikka“

Snorri Másson skrifar

Þorvaldur Gylfason hagfræðingur varaði í viðtali við Ísland í dag við því að ný fjármálakreppa kynni að vofa yfir bæði í útlöndum og hér heima. Í ljósi fjárhagsaðstæðna sagði hann að fólk ætti að halda að sér höndum og hemja jólaneysluna.

Til umfjöllunar var sú staðreynd að nóvembermánuður er að mestu leyti farinn að jafnast á við desembermánuð þegar kemur að útgjöldum heimilanna í aðdraganda jóla.

Farið er yfir verðbólgujólin fram undan í innslaginu hér að ofan og viðtal við Þorvald hefst á áttundu mínútu.

Þorvaldur Gylfason heldur að það stefni í óefni á fjármálamörkuðum bæði í útlöndum og hér heima.Vísir

Netverslun er á meðal þess sem gerir nóvember að þeim mikla viðskiptamánuði sem hann er orðinn. Þorvaldur segist heyra það að fólk sé ófúsara að fara út fyrir heimilin og að salan sé dræmari en áður á jólatónleika. „Kannski rímar það við tölur um mikil netkaup í nóvember. Fólk hangir heima til að vera í eldhúsinu heima að versla,“ segir Þorvaldur.

Of mikil neysla vitnar um fyrirhyggjuleysi

Þorvaldur heldur að það stefni í óefni á fjármálamörkuðum. „Vextir hafa verið lágir en nú eru þeir byrjaðir að hækka og það mun íþyngja þeim sem hafa tekið mikið af lánum. Sannleikurinn er sá að skuldir bæði ríkisins, fyrirtækja og heimila um allan heim þær hafa vaðið upp í hæstu hæðir undangengin misseri, þannig að margir eiga von á nýrri fjármálakreppu bæði í útlöndum og hér heima,“ segir Þorvaldur. „Skjálftamælar okkar hagfræðinga eru, ég segi ekki rauðglóandi, en þeir eru byrjaðir að blikka.“

Enda þótt fólk hafi á að skipa nokkrum ráðstöfunartekjum, á það að hafa varann á að sögn Þorvalds. „Mér finnst þetta vitna um fyrirhyggjuleysi. Menn eiga að átta sig á að þegar vextir eru byrjaðir að hækka og skuldabyrðin farin að þyngjast, þá ættu menn heldur að halda að sér höndum frekar en að sitja heima í eldhúsi og kaupa grimmt í útlöndum.“


Tengdar fréttir

Jólabónus á þriðja farrrými

Farþegaskipið glæsta Titanic sökk eins og frægt er fyrir 110 árum. Slysið var afar mannskætt. Aðeins 705 manns björguðust af 2224. Langflestir þeirra farþega sem björguðust voru á fyrsta farrými en flestir farþeganna sem létust voru á þriðja farrými. Þaðan var löng leið og torsótt upp á þilfar og björgunarbátar allt of fáir þegar loks kom að þeim.

100 þúsund króna högg fyrir há­tíðirnar

Tekjulægstu einstaklingar landsins hafa fengið vel yfir 100 þúsund króna högg þetta árið. Öryrkjar- og ellilífeyrisþegar á grunnlífeyri eru með um 300 þúsund krónur á mánuði í óskertar tekjur. Langar greinar mætti skrifa um uppsafnaða skuld við þessa samborgara okkar, hvernig pólitísk ákvörðun hefur verið tekin um að fylgja ekki lögum um almannatryggingar og auka ójöfnuð á kostnað örorku- og ellilífeyrisþega.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.