Neytendur

Um­sóknir um að­stoð vegna fjár­hags­vanda ekki verið fleiri það sem af er ári

Margrét Björk Jónsdóttir skrifar
Breki Karls­son er for­maður Neyt­enda­sam­takanna.
Breki Karls­son er for­maður Neyt­enda­sam­takanna. vísir/vilhelm

Sífellt fleiri leita til umboðsmanns skuldara vegna fjárhagsvanda. Metfjöldi fólks sótti um aðstoð hjá embættinu í síðasta mánuði. Formaður Neytendasamtakanna segir aukin yfirdráttarlán mælikvarða á stöðu heimilanna.

Áttatíu umsóknir aðstoð vegna fjárhagsvanda bárust umboðsmanni skuldara í október. Þær hafa ekki verið fleiri í einum mánuði á þessu ári og hafa raunar ekki verið fleiri í eitt og hálft ár.

Verulegt áhyggjuefni

Breki Karls­son, for­maður Neyt­enda­sam­takanna segir samtökin finna vel fyrir því að aukin greiðslubyrgði vegna vaxtahækkana bitni illa á félagsmönnum. Í samtali við fréttastofu segir hann vísbendingar um að yfirdráttarlán heimilanna séu að aukast. 

„Það er verulegt áhyggjuefni. Sér í lagi í aðdraganda jólaverslunarinnar. Því yfirdráttarlán eru ákveðin mælikvarði á stöðu heimilanna. Þar að segja, heimilin eru að taka yfirdráttarlán fyrir neyslu og það getur verið vísbending um að veturinn eigi eftir að verða mörgum harður,“ segir Breki.

Auknar tilkynningar til Neytendasamtakanna

Að sögn Breka hafa Neytendasamtökunum borist auknar tilkynningar frá félagsmönnum varðandi þessi málefni undanfarið.

„Bæði félagsmenn og aðrir hafa haft samband við neytendasamtökin og bent okkur á hækkandi vexti og vandræði í kringum það. Þar að segja, margir hverjir eiga í vandræðum með að ná endum saman.“

Samkvæmt síðustu hagvísum Seðlabanka Íslands jukust yfirdráttarlán heimilanna lítilega milli ársfjórðunga. Þau voru 2,59 prósent af vergri landsframleiðslu en voru 2,63 prósent í byrjun sumars.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.