Körfubolti

Biden ætlar að gera allt til að fá Brittney Griner heim frá Rússlandi

Ingvi Þór Sæmundsson skrifar
Enginn aðstandandi Brittneys Griner veit hvar fanganýlendan sem hún verður flutt í er.
Enginn aðstandandi Brittneys Griner veit hvar fanganýlendan sem hún verður flutt í er. getty/Pavel Pavlov

Joe Biden Bandaríkjaforseti ætlar að gera allt sem í hans valdi stendur til að fá körfuboltakonuna Brittney Griner heim frá Rússlandi.

Eftir að hafa setið í rússnesku fangelsi verður Griner nú flutt í fanganýlendu í Rússlandi. Lögfræðingar hennar hafa ekki hugmynd um hvar fanganýlendan er.

Fjölskylda Griners hefur reynt að fá hana aftur heim en án árangurs. Bandarísk yfirvöld hafa blandað sér í málið og í gær sagðist Biden ætla að koma Griner heim til Bandaríkjanna. „Ég er staðráðinn í að koma henni örugglega heim auk annarra,“ sagði forsetinn staðfastur.

Griner var upphaflega handtekinn á flugvelli í Moskvu í febrúar með minna en gramm af hassolíu í fórum sínum. Hún var dæmd fyrir eiturlyfjasmygl og hennar bíður ára fangelsisvist í Rússlandi nema umleitanir Bidens beri árangur.




Fleiri fréttir

Sjá meira


×