Haraldur ekki á meðal þúsunda sem Elon Musk sagði upp

Kolbeinn Tumi Daðason skrifar 8. nóvember 2022 10:55

Haraldur Þorleifsson kom fram á Airwaves um liðna helgi. Hann hefur farið fyrir verkefninu Römpum upp Reykjavík sem hefur teygt sig út á landsbyggðina. Vísir/Vilhelm

Haraldur Þorleifsson, stjórnandi Ueno, er enn á meðal stjórnenda á Twitter. Hann er ekki á meðal þeirra fjölmörgu sem sagt var upp störfum fyrir helgi.

Haraldur segir frá þessu, jú á Twitter. Þar segist hann hafa fengið fjölmargar fyrirspurnir í kjölfar þess að Elon Musk, nýr eigandi Twitter, sagði upp þúsundum starfsmanna. Talið er að rúmlega helmingur starfsmanna samfélagsmiðilsins hafi verið látinn taka pokann sinn.

„Margir hafa spurt mig. Mér var ekki sagt upp á föstudaginn. Ég hef svo sem lítið annað að segja um fram það að þið ættuð að gera ykkur greiða og endurráða gamla teymið mitt,“ sagði Haraldur og beindi orðum sínum til Musk og félaga.

A lot of people are asking:

I was not laid off on Friday.

I don't have much to say beyond that except do yourselves a favor and hire my old team.
— Halli (@iamharaldur) November 8, 2022

Vafalítið hafa margir spurt sig um framtíð Haraldar hjá Twitter í ljósi þess að hann hefur verið gagnrýninn á Musk í tengslum við yfirvofandi kaup Musk á Twitter, sem varð loks að veruleika í síðustu viku.

„Farðu bara í meðferð kappi,“ skrifaði Haraldur meðal annars í apríl síðastliðnum þegar Musk hafði látið valin orð falla í tengslum við möguleg kaup á fyrirtækinu.

Just go to therapy dude.
— Halli (@iamharaldur) April 14, 2022

Rúmlega 7.500 manns störfuðu hjá fyrirtækinu áður en Musk tók við sem nýr forstjóri í síðustu viku. Hann sagði á föstudag að fyrirtækið hafi orðið fyrir miklu tekjutapi vegna þess að auglýsendur hafi hætt að auglýsa á samfélagsmiðlinum. Aðgerðarsinnar hafi beitt auglýsendur þrýstingi:

„Þau eru að reyna að ganga frá málfrelsi í Bandaríkjunum.“

Fjöldamestu uppsagnirnar voru samkvæmt Verge á sviði mannréttinda, siðferðis- og tölvutækni og samskipta. Eitt sviða sem lenti í fallöxi auðjöfursins Musk sér meðal annars um dreifingu og aðgreiningu staðfestra upplýsinga þegar kosningar og stærri viðburðir eiga sér stað.

Ný áskriftarleið, tekjulind fyrir Twitter, hefur verið kynnt til leiks. Notendur geta greitt átta Bandaríkjadali fyrir að fá bláa staðfestingarmerkið á reikning sinn. Áður þurfti að sækja sérstaklega um vottunina og var hún ekki aðgengileg hverjum sem er.

„Skammist í mér eins og þið viljið, en þetta kostar átta dollara,“ sagði Musk á Twitter.

Twitter Samfélagsmiðlar

Tengdar fréttir

Ný áskriftarleið á Twitter í loftið

Twitter kynnir formlega nýja áskriftarleið þar sem notendum miðilsins býðst að kaupa vottun á aðgangi sínum fyrir 8 bandaríkjadali, eða tæpar tólf hundruð krónur, á mánuði.

5. nóvember 2022 21:35

Þúsundum starfsmanna sagt upp

Elon Musk hefur sagt upp rúmlega helmingi starfsmanna samfélagsmiðilsins Twitter. Musk er sagður hafa lagt niður heilu deildirnar, þar á meðal deild sem á að sporna gegn dreifingu falsfrétta og röngum eða villandi upplýsingum á miðlinum.

4. nóvember 2022 23:00

Kvartar undan tekjutapi Twitter

Auðjöfurinn Elon Musk, nýr eigandi Twitter, segir fyrirtækið hafa orðið fyrir miklu tekjutapi því auglýsendur hafi hætt að auglýsa á samfélagsmiðlinum. Til stendur að segja upp stórum hópi starfsmanna fyrirtækisins, viku eftir að Musk eignaðist Twitter og tók fyrirtækið af hlutabréfamarkaði.

4. nóvember 2022 16:57

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.