Viðskipti innlent

Frysta leigu­verð næstu þrjá mánuði

Atli Ísleifsson skrifar
Brynja leigufélag á og rekur yfir 850 eignir víðsvegar um landið en þó aðallega á höfuðborgarsvæðinu, Akureyri, Akranesi, Selfossi og í Reykjanesbæ.
Brynja leigufélag á og rekur yfir 850 eignir víðsvegar um landið en þó aðallega á höfuðborgarsvæðinu, Akureyri, Akranesi, Selfossi og í Reykjanesbæ. Vísir/Vilhelm

Stjórn Brynju leigufélags hyggst frysta leiguverð næstu þrjá mánuði. Í tilkynningu segir að ákvörðunin sé tekin í ljósi mikillar verðbólgu á þessu ári.

Fram kemur að leigan í desember, janúar og febrúar muni þannig haldast óbreytt frá nóvember 2022. Allir leigusamningar félagsins eru bundnir vísitölu neysluverðs til verðtryggingar.

„Tilgangur Brynju er að kaupa, eiga og reka íbúðarhúsnæði fyrir öryrkja sem leitast er við að leigja þeim gegn eins hóflegu gjaldi og kostur er.

Viðskiptavinir Brynju, eins og allir, þurfa að kljást við hækkandi verðbólgu og vexti. Mánaðarleg leiga hefur hækkað um 8,3% á árinu 2022 sem svarar til þess að búið sé að bæta 13. mánuðinum við árið.“

Verðbólga og hækkandi vextir bíta

Haft er eftir Guðbrandi Sigurðssyni, framkvæmdastjóra Brynju leigufélags, að verðbólga og hækkandi vextir setji þrýsting á alla í samfélaginu, en mest þó á þá sem hafi minnst á milli handanna.

„Brynja vill styðja við bakið á sínu fólki með því að gefa leigjendum sínum verðbólgufrí næstu þrjá mánuðina. Eitt mikilvægasta hagsmunamál Brynju og leigjenda félagsins er að viðhalda lágri verðbólgu og lágum vöxtum.“

Brynja á og rekur yfir 850 eignir víðsvegar um landið en þó aðallega á höfuðborgarsvæðinu, Akureyri, Akranesi, Selfossi og í Reykjanesbæ.

Leigumarkaður Fjármál heimilisins Húsnæðismál Félagsmál


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið