Innlent

Stjórn­endum fækkað á Land­spítalanum

Viktor Örn Ásgeirsson skrifar
Runólfur Pálsson er forstjóri Landspítalans.
Runólfur Pálsson er forstjóri Landspítalans. Vísir/Vilhelm

Tíu stöðugildi forstöðumanna falla niður samkvæmt nýju skipuriti á Landspítalanum. Markmið skipulagsbreytinganna er að styrkja klíníska starfsemi og að hagræða í rekstri.

Runólfur Pálsson forstjóri Landspítalans kynnti heilbrigðisráðherra nýtt skipurit í dag. Við breytingarnar fjölgar framkvæmdastjórum spítalans úr átta í ellefu, en eins og áður segir falla niður tíu störf forstöðumanna á Landspítalanum.

Í stað stöðugildanna sem niður falla fá sjö framkvæmdastjórar klínískra eininga aukið umboð og frekari ábyrgð á rekstri og starfsemi sinna starfssviða. Tveir framkvæmdastjórar munu þar að auki stýra rekstri og mannauði annars vegar og þróunarmálum hins vegar. Þá fá framkvæmdastjórar hjúkrunar og lækninga aukið hlutverk í samhæfingu sérgreina í bráðaþjónustu og verkefni í tengslum við flæði sjúklinga.

Markmið breytinganna er að styrkja klíníska starfsemi spítalans með því að færa aukið umboð og ákvörðunarvald nær framlínu, eins og fram kemur í tilkynningu frá Landspítalanum. Nýja skipulagið er einnig gert til hagræðinga á spítalanum.

Hér að neðan má sjá nýtt skipurit Landspítalans.

Nýtt skipurit Landspítalans.Landspítalinn


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.