Innlent

Hafnar­verka­menn í­huga að segja sig úr Eflingu

Ellen Geirsdóttir Håkansson skrifar
Sólveig Anna Jónsdóttir er núverandi formaður Eflingar.
Sólveig Anna Jónsdóttir er núverandi formaður Eflingar. Vísir/Vilhelm

Hafnarverkamenn funduðu fyrr í dag á Þjóðminjasafninu og ræddu mögulega úrsögn sína úr stéttarfélagi Eflingar. Hópurinn er sagður ósáttur við samskipti sín við stjórnarmeðlimi stéttarfélagsins og hvernig staðið hafi verið að því að skipa fulltrúa á þing ASÍ.

Mbl greindi fyrst frá málinu en fundurinn er sagður hafa verið til kynningar á málinu. Haft er eftir Aðalsteini Rúnari Björnssyni þar sem hann segir undirbúning stofnunar nýs félags hafa staðið yfir í nokkrar vikur.

Einnig telji hann að stjórn Eflingar hafi brotið lög hvað varðar skipun fulltrúa á þing ASÍ. Til umræðu hafi verið að hópurinn myndi ganga í Alþjóðasamband flutningaverkamanna í kjölfar þess að kjarasamningar renni út á þriðjudag.

Ríkisútvarpið greinir frá því að hafnarverkamenn vilji með þessu færa valdið nær hinum almenna starfsmanni en hópurinn vilji fá sæti við borðið.

Stéttarfélög Ólga innan Eflingar
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið