Viðskipti innlent

Bjóða „gjafa­verð“ um helgina eftir erfiðan lukku­hjóla­saman­burð

Atli Ísleifsson skrifar

Skemmtistaðurinn Drunk Rabbit Irish Pub í Austurstræti hefur ákveðið að „blása til sóknar“ og lækka tímabundið verðið fyrir viðskiptavini sem greiða fyrir að snúa lukkuhjólinu á staðnum.

Þetta kemur fram í yfirlýsingu frá staðnum sem send á fréttamann í kjölfar umfjöllunar um úttekt verkfræðingsins Júlíusar Þórs Björnssonar á vinningslíkum í lukkuhjólum á skemmtistöðum borgarinnar. Drunk Rabbit kom einna síst út í samanburðinum.

Í yfirlýsingunni segir að staðurinn vilji byrja á því að leiðrétta Júlíus Þór og nefna að staðurinn heiti The Drunk Rabbit, en ekki The Drunken Rabbit líkt og sagði í gögnum Júlíusar.

Vilja aðstandendur staðarins meina að útreikningarnir standist ekki og séu meira „skot út í loftið“, þó að ekkert komi fram sem hrekur gögn og útreikninga Júlíusar.

„Í gegnum tíðina hefur lukkuhjólið á Drunk verið eitt það vinsælasta í bænum. Er ekki verkfæðingur að mennt en get klárlega stafað Drunk Rabbit rétt. Tel ég að hans útreikningar standast ekki, og er meira skot út í loftið. Má vel vera að ég hafi rangt fyrir mér en að gefnu tilefni þá ætlar Drunk Rabbit að blása til sóknar og vera með gjafaverð á hjólinu alla helgina eða 1500 kr.,“ segir í yfirlýsingunni.

Sjá má innslag úr Íslandi í dag í spilaranum að ofan þar sem fjallað er um lukkuhjólin í borginni.

Næturlíf Veitingastaðir


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið