Viðskipti innlent

Bandaríkjamenn eignast móðurfélag Livio á Íslandi

Hólmfríður Gísladóttir skrifar
Snorri Einarsson er yfirlæknir og einn eigenda Livio á Íslandi.
Snorri Einarsson er yfirlæknir og einn eigenda Livio á Íslandi. Vísir/Sigurjón

Bandaríska fjárfestingafélagið Kohlberg Kravis Roberts hefur keypt sænska fyrirtækið Livio AB, sem sérhæfir sig í glasafrjóvgunum og öðrum úrræðum við ófrjósemi. Livio AB á 64 prósenta hlut í íslenska dótturfélaginu Livio, sem er eina fyrirtækið á Íslandi sem býður upp á glasafrjóvganir.

Það er Stundin sem greinir frá.

Kaupin áttu sér stað í gegnum fyrirtæki í eigu Kohlberg Kravis Roberts, sem ber nafnið GeneralLife, en það er nú eitt stærsta fyrirtæki Evrópu á sviðið glasafrjóvgana og rekur, samkvæmt Stundinni, 37 stöðvar þar sem boðið er upp á úrræði við ófrjósemi.

Livio er sem áður segir eina fyrirtækið á Íslandi sem aðstoðar einstaklinga sem glíma við ófrjósemi við að eignast börn. 

Fyrirtækið var áður rekið undir nafninu Art Medica, en það var stofnað árið 2004 af Guðmundi Arasyni og Þórði Óskarssyni, sem höfðu áður sinnt glasafrjóvgunum á Landspítalanum. Við stofnun Art Medica færðist þjónustan alfarið frá spítalanum til fyrirtækisins.

Snorri Einarsson, læknir og framkvæmdastjóri Livio á Íslandi, á 28 prósent í fyrirtækinu. Hann segir engar áherslubreytingar munu verða á rekstrinum í kjölfar viðskiptanna.

Ítarlega frétt um málið má finna hjá Stundinni.

Frjósemi Heilbrigðismál


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið