Fótbolti

Willum í byrjunar­liði Eag­les sem gerði jafn­tefli gegn Cam­buur

Atli Arason skrifar
Willum í landsleik með íslenska U21-landsliðinu.
Willum í landsleik með íslenska U21-landsliðinu. EPA-EFE/Tamas Vasvari

Willum Þór Willumsson var í byrjunarliði Go Ahead Eagles og lék allan leikinn í markalausu jafntefli gegn Cambuur í hollensku úrvalsdeildinni í fótbolta í dag.

Var þetta þriðji byrjunarliðsleikur Willums í röð fyrir Eagles, eftir að hann jafnaði sig á meiðslum. Willum skoraði eina mark liðsins í 1-1 jafntefli gegn Ajax í síðustu umferð ásamt því að leggja upp mark í 2-0 sigri Eagles gegn FC Emmen þar á undan.

Alls hefur Willum leikið 4 leiki fyrir Eagles og skorað í þeim eitt mark ásamt því að leggja upp annað.

Jafnteflið í dag þýðir að bæði lið fara í átta stig eftir fyrstu níu umferðarinnar. Go Ahead Eagles er í 12. sæti á meðan Cambuur er í 13. sæti.

Næsti leikur Willums og félaga í Eagles er gegn Heerenveen næsta laugardag.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.