Verk­færi ehf í sam­starf við þýska fyrir­tækið Jung­hein­rich

Jungheinrich hefur verið starfrækt í núverandi mynd síðan 1953 þegar það hóf framleiðslu á tækjum undir nafninu, H. Jungheinrich und Co. Maschinenfabrik. Frá 1918 hafði fyrirtækið annast inn- og útflutning undir nafni stofnandans, H.Jungheinrich. Hér er því um rótgróið þýskt fyrirtæki að ræða og ríkir mikil eftirvænting hjá starfsfólki Verkfæra ehf fyrir samstarfinu.

„Þetta hefur verið í undirbúningi í góðan tíma, fulltrúar Jungenheinrich komu í heimsókn til að taka út aðstöðuna og skipuleggja samstarfið. Einnig höfum við sent fólk út í þjálfun. Við erum spennt að byrja af fullum krafti,“ segir Austri og bætir við að honum þyki mikið til umgjarðarinnar í kringum Jungheinrich koma. „Þau eru með allt upp á tíu þarna, öll framleiðsla er ótrúlega vönduð og fylgir ströngum gæðastöðlum. Samskipti okkar við þau hafa verið frábær og öll þeirra samstarfsfyrirtæki fá öflugan stuðning.

Christian Lammek svæðisstjóri Jungheinrich er ánægður með samstarfið við Verkfæri ehf.

„Jungheinrich fagnar því að fyrsta október 2022 hófst samstarf með ört vaxandi fyrirtæki á íslenska markaðnum. 

Verkfæri ehf býr yfir vöruúrvali sem passar vel við þær vörur sem við bjóðum upp á, auk þess að eiga fjölbreyttan hóp viðskiptavina. 

Við hlökkum til samstarfsins og erum viss um að sameiginlegir hagsmunir, vörur og þjónusta við Jungheinrich tæki eru í góðum höndum hjá vel þjálfuðu og áræðanlegu starfsfólki Verkfæra ehf,“ segir Christian og Austri tekur undir. 

„Aðgengi að upplýsingum og varahlutum er mjög gott og maður finnur að þeir vita alveg hvað þeir eru að gera, enda gengur þetta þokkalega hjá þeim,“ segir Austri og er augljóslega skemmt.

Hann segir aðaláherslu Jungheinrich vera á rafmagnslyfturum. „Þetta er nánast allt komið í rafmagn hjá þeim og Jungheinrich er leiðandi í hönnun og framleiðslu á rafmagnslyfturum. Ég held að fyrirtækið sé í raun eini framleiðandinn sem hefur endurhannað tækin sín frá grunni með rafmagnið í huga.“ Hann bætir við að nýju Li-ion batteríin frá Jungheinrich séu gríðarlega áreiðanleg, það komi mörgum á óvart hversu lengi þau endast.

„Við hlökkum til að setja allt á fullt og hvetjum alla áhugasama um að hafa samband við okkur, hvort sem það snýr að þjónustu á gömlum tækjum eða kaupum á nýjum,“ segir Austri.

Vaxandi fyrirtæki og aukin þjónusta

Þorsteinn er ekki eini nýi starfsmaður Verkfæra ehf en vöxtur fyrirtækisins hefur verið gríðarlegur undanfarið síðasta eina og hálfa árið. Elvar Orri Hreinsson framkvæmdarstjóri Verkfæra ehf segir að þetta séu spennandi tímar hjá fyrirtækinu sem að hefur verið starfrækt frá því 2009.

„Þegar ég kom til starfa fyrir rúmu ári þá störfuðu tíu aðilar hjá fyrirtækinu. Nú erum við orðin 25, bæði í höfuðstöðvum í Tónahvarfinu og á verkstæðinu á Akureyri og við erum enn að bæta við okkur starfsfólki. Við höfum fjárfest í mannauði, tækjum og aðstöðu sem að gerir okkur kleift að veita viðskiptavinum okkar fyrsta flokks þjónustu. Ekki bara á lyfturum heldur vinnutækjum og vélum af öllum stærðum og gerðum.“

Elvar bætir við að einnig hafi verið ráðinn inn þjónustustjóri sem gætir þess að upplýsingaflæði á milli Verkfæra ehf og viðskiptavina sinna sé „...upp á tíu“.

Jungheinrich fullkomnar flóruna

Verkfæri ehf var stofnað 2009 skömmu eftir hrun. Upphaflega snerist starfsemin að mestu um útflutning á vinnuvélum en nú er innflutningur aðal starfsemi þess.

„Við flytjum inn bæði nýjar og notaðar vinnuvélar fyrir bygginga- og jarðvinnuverktaka ásamt ýmiskonar aukabúnaði sem hjálpar okkar viðskiptavinum að gera það sem þeir gera best. Það má segja að samstarfið við Jungheinrich hafi verið púslið sem að vantaði í flóruna hjá okkur,“ segir Elvar áður en hann tekur á móti viðskiptavini sem að þiggur glaður kaffibolla með framkvæmdastjóranum í séríslenskri haustlægðinni.