Nýtt útlit mynta með andliti Karls III lítur dagsins ljós

Ellen Geirsdóttir Håkansson skrifar 30. september 2022 22:52

Hér má sjá útlit peningsins. AP/Alastair Grant

Útlit nýrra mynta sem munu bera andlit Karls III Bretlandskonungs hefur verið afhjúpað af konunglegu myntsláttunni. Karl er sagður vera hæstánægður með útkomuna á útliti eigin vangasvips. Myntin er hönnuð út frá ljósmynd af konungi.

Nýr fimm pensa peningur mun fara í dreifingu til almennra nota á næstu mánuðum og sérstakur fimm punda peningur mun einnig vera til sölu en hann er sagður hafa söfnunargildi fyrir fólk og sé ekki til almennra nota. BBC greinir frá þessu.

Eins og hefðin segir til um vísar andlit konungs til vinstri en áttin ákvarðast út frá þeirri sem forveri sneri í á sinni mynt, andlit Elísabetar II Bretlandsdrottningar vísaði til hægri. Einnig mun Karl ekki bera kórónu á myntinni en hefð sé fyrir því að konungar geri það ekki. Móðir hans, Elísabet bar kórónu á sinni mynt.

Frá byrjun næsta árs muni fleiri myntir birtast með sömu mynd, allt frá einu pens upp í tvö pund en myntir Elísabetar og Karls muni samt sem áður vera saman í dreifingu næstu árin.

Mikið hefur verið um „merkjaskipti“ hjá konungi síðan móðir hans lést en í vikunni var nýtt konungsmerki hans einnig kynnt. Konungsmerkið mun prýða póstkassa, bréfsefni og byggingar ásamt öðru.

Bretland Karl III Bretakonungur Elísabet II Bretadrottning Andlát Elísabetar II Bretadrottningar

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.