Þrotabú Wow air fær ekki krónu frá Skúla og félögum Árni Sæberg skrifar 27. september 2022 19:09 Málið er eitt fjölmargra sem höfðuð hafa verið vegna falls Wow air. Vísir/Vilhelm Skaðabótakröfu þrotabús Wow air gegn Títan Fjárfestingafélagi, félagi Skúla Mogensen, Skúla sjálfum og fjórum stjórnarmönnum Wow air hefur verið vísað frá héraðsdómi. Þrotabúið fór fram á tæplega hálfan milljarð króna í skaðabætur en þarf að greiða 14,1 milljón króna í málskostnað. Ágreiningur þrotabúsins og stjórnarmannanna Skúla, Liv Bergþórsdóttur, Helgu Hlínar Hákonardóttur, Davíðs Mássonar og Basil Ben Baldanza, snerist um kaup Wow air á kaupréttum sem Títan fjárfestingafélag átti vegna kaupleigusamninga sem gerðir höfðu verið um fjórar farþegaþotur. Þrotabúið hélt því fram að stjórnarmennirnir hefðu valdið Wow air tjóni sem svaraði til mismunar á þeirri fjárhæð sem félagið greiddi fyrir kaupréttina og þeirri fjárhæð sem félagið fékk í sinn hlut eftir að hafa nýtt sér kaupréttina og selt þoturnar fjórar. Þrotabúið sagði 8,9 milljónir Bandaríkjadala hafa komið í hlut Wow þegar þoturnar voru seldar Air Canada en að kaupréttir hafi verið keypti á tólf milljónir dala og tapið félagsins því 3,1 milljón dala eða um 450 milljónir króna. Þá taldi þrotabúið einnig að Títan hefði auðgast með óréttmætum hætti á kostnað Wow air um samsvarandi fjárhæð og Wow air hafi tapað vegna viðskiptana með kaupréttina. Kröfðust frávísunar Allir stefndu í málinu höfðu uppi kröfu um frávísun málsins í greinargerðum sínum til dómsins vegna ætlaðrar vanreifunar þrotabúsins á fjártjóni sínu. Héraðsdómu Reykjavíkur hafnaði þeirri kröfu stefndu en færði meðal annars í þingbók þann rökstuðning hvað varðaði ætlaða vanreifun fjártjóns að kröfugerð stefnanda teldist skýr um útreikning dómkröfu hans en gagnaöflun hefði ekki verið lýst lokið í málinu. Yrði málinu ekki vísað frá dómi af þessum sökum við svo búið. Þá skoruðu stefndu Skúli og Títan Fjárfestingafélag á þrotabúið að leggja fram öll gögn sem staðfestu hver hefði í raun verið afrakstur af sölu flugvélanna fjögurra. Lagði ekki fram kaupsamningana Þrátt fyrir áskorun stefndu lagði þrotabúið hvorki fram kaupsamninga við Air Canada né greiðslukvittanir vegna sölu á þotunum fjórum. Þrotabúið lagði þess í stað fram skýrslu sem endurskoðendafyrirtæki hafði unnið fyrir þrotabúið. Í skýrslunni er vakin athygli á því að höfundar hennar hafi ekki séð umrædda kaupsamninga. Þá vísaði þrotabúið til vitnisburðar vitnis, sem verið hafði deildarstjóri fjárstýringar Wow air og starfað hafði fyrir þrotabúið eftir það, þess efnis að kaupverðið hefði verið „einhverjar“ rúmar sjö milljónir bandaríkjadala. Í úrskurði héraðsdóms segir að hvorki framangrein skýrsla né vitnisburðurinn geti komið í stað kaupsamninganna sjálfra eða greiðslukvittana. Ekki næg gögn til að leggja efnisdóm á kröfuna Í dómi Héraðsdóms Reykjavíkur segir að það hvíli á stefnanda, þrotabúi Wow air, að leggja sönnur á ætlað tjón sitt og ætlaða óréttmæta auðgun Títans Fjárfestingafélags. Þannig hafi verið brýnt að þrotabúið legði fram kaupsamninga og greiðslukvittanir, enda byggist kröfugerð hans alfarið á útreikningum sem tóku mið af því að hann hefði fengið tiltekna fjárhæð í sinn hlut vegna vélanna fjögurra á grundvelli þessara samninga. „Stefnandi hefur, eins og áður greinir,ekki lagt fram umrædd gögn í málinuog er af fyrirliggjandi gögnum ekki ljóst hvort hann varð fyrir því tjóni sem hann staðhæfir.Að þessu virtu liggja ekki fyrir nægileg gögn til að unnt sé að fella efnisdóm á kröfu hans. Sökum þessarar vanreifunar er óhjákvæmilegt að vísa málinu sjálfkrafa frá dómi,“ segir í úrskurði héraðsdóms. Þá segir í úrskurðarorði að þrotabúið skuli greiða stefndu Skúla Mogensen og Títan Fjárfestingafélagi ehf., hvorum um sig, 2.100.000 krónur í málskostnað, stefndu Liv Bergþórsdóttur, Helgu Hlín Hákonardóttur og Davíð Mássyni, hverju um sig, 1.400.000 krónur í málskostnað og stefnda Basil Ben Baldanza 4.200.000 krónur í málskostnað. Þá greiði þrotabúið fimm réttargæslustefndu, tryggingarfélögum stefndu, 300.000 krónur, hvoru um sig, í málskostnað. Heildarmálskostnaður þrotabúsins er því 14,1 milljón. WOW Air Dómsmál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Oculis komið á markað Viðskipti innlent Anna Kristín nýr framkvæmdastjóri hjá atNorth Viðskipti innlent „Enda hefði hún hreinlega ekki nennt að þræta við mig endalaust“ Atvinnulíf Helmingur Íslendinga sáttur við falsanir og eftirlíkanir Neytendur Hættir sem fjármálastýra Ljósleiðarans Viðskipti innlent Viðskipti með bréf í Oculis hefjast á morgun Viðskipti innlent Ný kynslóð vélmenna vekur óhug Viðskipti erlent Enn ekkert að frétta af félagi sem þúsundir Íslendinga eiga kröfu á Neytendur Ljúfustu stundirnar þegar allir eru saman í hjónarúminu Atvinnulíf Allir með fjölnota innkaupapoka fá frítt í strætó á morgun Neytendur Fleiri fréttir Anna Kristín nýr framkvæmdastjóri hjá atNorth Oculis komið á markað Viðskipti með bréf í Oculis hefjast á morgun Hættir sem fjármálastýra Ljósleiðarans Tekur við stöðu framkvæmdastjóra Grænna skáta Fækkuðu tímum í skriffinnsku um tugi klukkustunda á mánuði Breytinga þörf eigi Landsbankinn ekki að keppa á markaði Jón nýr formaður bankaráðs Landsbankans Sýn hættir við að selja vefmiðla og útvarp Sólin sest fyrir fullt og allt á Sælunni Opna verslun á Keflavíkurflugvelli þar sem Arion var áður Bein útsending: Hraunflæðihermar og hönnun hraunvarna Hafa náð nýjum sölusamningi í Bandaríkjunum Framkvæmdastjóri Jafnréttisstofu til Visku Bein útsending: Hrein tækifæri í orkumálum Fljúga til Wales í haust í tengslum við landsleikina Þau vilja stýra Framkvæmdasýslunni – Ríkiseignum Edda og Helgi bætast í hóp eigenda Expectus Segir frumvarp um húsaleigulög geta leitt til hærra leiguverðs Tekur við stöðu rekstrarstjóra Stöðvar 2 Fasteignamarkaðurinn hitnar en framkvæmdum fækkar Eyjólfur vill halda formennsku áfram Tekur við stöðu forstjóra Securitas Magni kaupmaður látinn 88 ára að aldri Bankaráðið sakar bankasýsluna um aðdróttanir Guðbjörg orðin pítsudrottning Ritskoðaður bjór fær blessun ÁTVR Annað markaðsleyfi í höfn í Bandaríkjunum Spánski verður Daisy Lilja leiðir nýja markaðs- og sjálfbærnideild Sýnar Sjá meira
Ágreiningur þrotabúsins og stjórnarmannanna Skúla, Liv Bergþórsdóttur, Helgu Hlínar Hákonardóttur, Davíðs Mássonar og Basil Ben Baldanza, snerist um kaup Wow air á kaupréttum sem Títan fjárfestingafélag átti vegna kaupleigusamninga sem gerðir höfðu verið um fjórar farþegaþotur. Þrotabúið hélt því fram að stjórnarmennirnir hefðu valdið Wow air tjóni sem svaraði til mismunar á þeirri fjárhæð sem félagið greiddi fyrir kaupréttina og þeirri fjárhæð sem félagið fékk í sinn hlut eftir að hafa nýtt sér kaupréttina og selt þoturnar fjórar. Þrotabúið sagði 8,9 milljónir Bandaríkjadala hafa komið í hlut Wow þegar þoturnar voru seldar Air Canada en að kaupréttir hafi verið keypti á tólf milljónir dala og tapið félagsins því 3,1 milljón dala eða um 450 milljónir króna. Þá taldi þrotabúið einnig að Títan hefði auðgast með óréttmætum hætti á kostnað Wow air um samsvarandi fjárhæð og Wow air hafi tapað vegna viðskiptana með kaupréttina. Kröfðust frávísunar Allir stefndu í málinu höfðu uppi kröfu um frávísun málsins í greinargerðum sínum til dómsins vegna ætlaðrar vanreifunar þrotabúsins á fjártjóni sínu. Héraðsdómu Reykjavíkur hafnaði þeirri kröfu stefndu en færði meðal annars í þingbók þann rökstuðning hvað varðaði ætlaða vanreifun fjártjóns að kröfugerð stefnanda teldist skýr um útreikning dómkröfu hans en gagnaöflun hefði ekki verið lýst lokið í málinu. Yrði málinu ekki vísað frá dómi af þessum sökum við svo búið. Þá skoruðu stefndu Skúli og Títan Fjárfestingafélag á þrotabúið að leggja fram öll gögn sem staðfestu hver hefði í raun verið afrakstur af sölu flugvélanna fjögurra. Lagði ekki fram kaupsamningana Þrátt fyrir áskorun stefndu lagði þrotabúið hvorki fram kaupsamninga við Air Canada né greiðslukvittanir vegna sölu á þotunum fjórum. Þrotabúið lagði þess í stað fram skýrslu sem endurskoðendafyrirtæki hafði unnið fyrir þrotabúið. Í skýrslunni er vakin athygli á því að höfundar hennar hafi ekki séð umrædda kaupsamninga. Þá vísaði þrotabúið til vitnisburðar vitnis, sem verið hafði deildarstjóri fjárstýringar Wow air og starfað hafði fyrir þrotabúið eftir það, þess efnis að kaupverðið hefði verið „einhverjar“ rúmar sjö milljónir bandaríkjadala. Í úrskurði héraðsdóms segir að hvorki framangrein skýrsla né vitnisburðurinn geti komið í stað kaupsamninganna sjálfra eða greiðslukvittana. Ekki næg gögn til að leggja efnisdóm á kröfuna Í dómi Héraðsdóms Reykjavíkur segir að það hvíli á stefnanda, þrotabúi Wow air, að leggja sönnur á ætlað tjón sitt og ætlaða óréttmæta auðgun Títans Fjárfestingafélags. Þannig hafi verið brýnt að þrotabúið legði fram kaupsamninga og greiðslukvittanir, enda byggist kröfugerð hans alfarið á útreikningum sem tóku mið af því að hann hefði fengið tiltekna fjárhæð í sinn hlut vegna vélanna fjögurra á grundvelli þessara samninga. „Stefnandi hefur, eins og áður greinir,ekki lagt fram umrædd gögn í málinuog er af fyrirliggjandi gögnum ekki ljóst hvort hann varð fyrir því tjóni sem hann staðhæfir.Að þessu virtu liggja ekki fyrir nægileg gögn til að unnt sé að fella efnisdóm á kröfu hans. Sökum þessarar vanreifunar er óhjákvæmilegt að vísa málinu sjálfkrafa frá dómi,“ segir í úrskurði héraðsdóms. Þá segir í úrskurðarorði að þrotabúið skuli greiða stefndu Skúla Mogensen og Títan Fjárfestingafélagi ehf., hvorum um sig, 2.100.000 krónur í málskostnað, stefndu Liv Bergþórsdóttur, Helgu Hlín Hákonardóttur og Davíð Mássyni, hverju um sig, 1.400.000 krónur í málskostnað og stefnda Basil Ben Baldanza 4.200.000 krónur í málskostnað. Þá greiði þrotabúið fimm réttargæslustefndu, tryggingarfélögum stefndu, 300.000 krónur, hvoru um sig, í málskostnað. Heildarmálskostnaður þrotabúsins er því 14,1 milljón.
WOW Air Dómsmál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Oculis komið á markað Viðskipti innlent Anna Kristín nýr framkvæmdastjóri hjá atNorth Viðskipti innlent „Enda hefði hún hreinlega ekki nennt að þræta við mig endalaust“ Atvinnulíf Helmingur Íslendinga sáttur við falsanir og eftirlíkanir Neytendur Hættir sem fjármálastýra Ljósleiðarans Viðskipti innlent Viðskipti með bréf í Oculis hefjast á morgun Viðskipti innlent Ný kynslóð vélmenna vekur óhug Viðskipti erlent Enn ekkert að frétta af félagi sem þúsundir Íslendinga eiga kröfu á Neytendur Ljúfustu stundirnar þegar allir eru saman í hjónarúminu Atvinnulíf Allir með fjölnota innkaupapoka fá frítt í strætó á morgun Neytendur Fleiri fréttir Anna Kristín nýr framkvæmdastjóri hjá atNorth Oculis komið á markað Viðskipti með bréf í Oculis hefjast á morgun Hættir sem fjármálastýra Ljósleiðarans Tekur við stöðu framkvæmdastjóra Grænna skáta Fækkuðu tímum í skriffinnsku um tugi klukkustunda á mánuði Breytinga þörf eigi Landsbankinn ekki að keppa á markaði Jón nýr formaður bankaráðs Landsbankans Sýn hættir við að selja vefmiðla og útvarp Sólin sest fyrir fullt og allt á Sælunni Opna verslun á Keflavíkurflugvelli þar sem Arion var áður Bein útsending: Hraunflæðihermar og hönnun hraunvarna Hafa náð nýjum sölusamningi í Bandaríkjunum Framkvæmdastjóri Jafnréttisstofu til Visku Bein útsending: Hrein tækifæri í orkumálum Fljúga til Wales í haust í tengslum við landsleikina Þau vilja stýra Framkvæmdasýslunni – Ríkiseignum Edda og Helgi bætast í hóp eigenda Expectus Segir frumvarp um húsaleigulög geta leitt til hærra leiguverðs Tekur við stöðu rekstrarstjóra Stöðvar 2 Fasteignamarkaðurinn hitnar en framkvæmdum fækkar Eyjólfur vill halda formennsku áfram Tekur við stöðu forstjóra Securitas Magni kaupmaður látinn 88 ára að aldri Bankaráðið sakar bankasýsluna um aðdróttanir Guðbjörg orðin pítsudrottning Ritskoðaður bjór fær blessun ÁTVR Annað markaðsleyfi í höfn í Bandaríkjunum Spánski verður Daisy Lilja leiðir nýja markaðs- og sjálfbærnideild Sýnar Sjá meira