Forstjóri Celsius stígur til hliðar

Ellen Geirsdóttir Håkansson skrifar 27. september 2022 16:40

Celsius tilkynnti gjaldþrot í júlí. Getty/oatawa

Forstjóri rafmyntaverkvangsins Celsius, Alex Mashinsky hefur ákveðið að segja af sér en verkvangurinn lýsti yfir gjaldþroti þann 13. júlí síðastliðinn.

Fjármálastjóri fyrirtækisins, Chris Ferraro er sagður hafa tekið við sem settur forstjóri bráðabirgða.

„Mér þykir miður að viðvera mín sem forstjóri fyrirtækisins hafi æ meira haft truflandi áhrif. Mér þykir mjög leitt að meðlimir samfélagsins okkar séu að fást við fjárhagslegan vanda,“ sagði Mashinsky í tilkynningu. Þessu greinir Reuters frá.

Celsius lýsti yfir gjaldþroti fyrir dómstólum í New York þann 13. júlí síðastliðinn. Það var mánuði eftir að verkvangurinn lokaði fyrir sölu og millifærslur á rafmyntunum þegar fjárfestar fóru að losa sig við áhætturíkar eignir eins og rafmyntir með hraði vegna hækkandi vaxta og verðbólgu.

Þegar þeir tilkynntu gjaldþrotið hafi þeir sagt fyrirtækið vera í 1,19 milljarða dollara halla, það eru um 137,9 milljarðar íslenskra króna.

Í síðasta máni er Celsius sagt hafa lögsótt fyrrum fjárfestingastjóra fyrirtækisins og sakað hann um að tapa eða stela tugum milljónum dollara fyrir gjaldþrot verkvangsins.

Mashinsky stígur til hliðar á tímum þar sem verkvangurin virðist leita skjóls vegna viðskiptaskulda. Í tilkynningu til stjórnar á hann að hafa sagst vilja hjálpa fyrirtækinu að skila innlánum til viðskiptavina.

Rafmyntir Bandaríkin

Tengdar fréttir

Rafmyntaverkvangurinn Celsius lýsir yfir gjaldþroti

Rafmyntaverkvangurinn Celsius tilkynni gjaldþrot í gær en í seinasta mánuði lokaði verkvangurinn fyrir sölu á rafmyntum til þess að vernda starfsemi sína.

14. júlí 2022 13:54

Rafmyntir í ólgusjó

Einn versti dagur í sögu rafmyntamarkaðsins rann upp nú á mánudag. Markaðurinn hefur tekið vænar niðursveiflur á síðustu vikum vegna hækkandi vaxta og aukinnar verðbólgu en heildarvirði rafmyntamarkaðsins hrundi niður fyrir eina trilljón Bandaríkjadala.

14. júní 2022 16:39

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir