Viðskipti erlent

Pundið ekki verið veikara gegn dal í fimmtíu ár

Fanndís Birna Logadóttir skrifar
Pundið hafði þegar veikst mikið gagnvart dalnum fyrir helgi. 
Pundið hafði þegar veikst mikið gagnvart dalnum fyrir helgi.  AP/Kirsty Wigglesworth

Sterlingspundið hefur hríðfallið gagnvart Bandaríkjadalnum og hefur ekki verið lægra í fimmtíu ár. Fjármálaráðherra Bretlands hefur boðað skattaívilnanir og 45 milljarða punda aðgerðarpakka. Stjórnarandstaðan kallar eftir svörum frá ríkisstjórninni um hvernig bregðast eigi við en hagfræðingar segja ríkisstjórnina við það að missa allan trúverðugleika. 

Að því er kemur fram í frétt Reuters féll pundið um hátt í fimm prósent í morgun gagnvart Bandaríkjadalnum og fór lægst niður í 1,033 dali. Bandaríkjadalurinn hefur sömuleiðis styrkts verulega sem sett hefur aukinn þrýsting á bæði pundið og evruna, sem hefur ekki verið lægri í tuttugu ár meðal annars vegna væntanlegrar orkukreppu í Evrópu.

Pundið hafði þegar fallið um rúmlega 3,6 prósent á föstudag eftir að Kwasi Kwarteng, fjármálaráðherra Bretlands, boðaði frekari skattaívilnanir ofan á 45 milljarða punda aðgerðarpakka til að bregðast við auknum lánsviðskiptum og hærra orkuverði. 

Þá hafði Seðlabanki Bretlands hækkað stýrivexti um 0,5 prósentustig á fimmtudag upp í 2,25 prósent. Talið er að bankinn gæti hækkað vexti aftur strax í dag.

Að því er kemur fram í frétt BBC má áætla að verð á vörum frá Bandaríkjunum, þar á meðal eldsneyti og olíu, muni hækka verulega ef að pundið heldur áfram að veikjast auk þess sem vænta megi frekari stýrivaxtahækkana með tilheyrandi afleiðingum fyrir húsnæðiseigendur.

Rachel Reeves, efnahagsráðherra skuggaráðuneytisins, segir fall pundsins valda miklum áhyggjum og segir nauðsynlegt að Kwarteng kynni áætlanir til að bregðast við. Hagfræðingar sem Reuters ræddu við segja ríkisstjórn Liz Truss forsætisráðherra, sem aðeins hefur verið við völd í þrjár vikur, vera við það að missa allan trúverðugleika í fjármálum.


Tengdar fréttir

Hættu­á­stand sé yfir­vofandi í orku­málum í Bret­landi

Forstjóri bresku orkuyfirlitsstofnunarinnar Ofgem segir hættuástand yfirvofandi fyrir bresk heimili hvað varðar verð á gasi í landinu. Heimilin geti búist við 80 prósenta hækkun að meðaltali á verði á ári frá október og mögulega aftur í janúar á næsta ári. Hækkunin sem er spáð nemur 3.549 pundum á ári.

Stýrivextir ekki hærri í Bretlandi frá 2008

Seðlabanki Bretlands hefur hækkað stýrivexti um 0,5 prósent og standa vextirnir nú í 2,5 prósentum og hafa ekki verið hærri síðan árið 2008. Um er að ræða sjöundu stýrivaxtahækkun bankans í röð en sérfræðingar höfðu spáð allt að 0,75 prósenta hækkun.

Rússar ekki í vandræðum með olíuútflutning þrátt fyrir þvinganir

Þrátt fyrir viðskiptaþvinganir Vesturlanda gagnvart Rússlandi í kjölfar innrásarinnar í Úkraínu hefur rússneskum olíufyrirtækjum tekist að viðhalda nánast sömu framleiðslu og fyrir stríð. Útflutningur hráolíu mældur í magni er talinn munu dragast saman um sjö til átta prósent á þessu ári, að því er kemur fram í nýlegri greiningu Institute of Energy við Oxford-háskóla í Bretlandi (OIES).





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.