Veiði

Ótrúlegur viðsnúningur í Hofsá og Selá

Karl Lúðvíksson skrifar
Hofsá í Vopnafirði
Hofsá í Vopnafirði

Veiðisumarið fór rólega af stað í flestum ám og vanir veiðimenn segja að ástæðan fyrir því sé bara sú að sumarið og göngur hafi verið tveimur vikum á eftir áætlun.

Það rímar ágætlega við taktinn í veiðinni sem var ótrúlega góður í mörgum ánum í september og það er áhuavert svona þegar tímabilinu í sjálfbæru ánum er að ljúka, að sjá hversu mikill viðsnúningurinn er.Hofsá og Selá eru að koma svo sterkar inn seinni partinn á sumrinu að það hálfa væri nóg. Samanburðurinn við árið í fyrra er tvöfaldur í Hofsá en veiðin 2021 var uppá 601 lax en núna er Hofsá komin í 1.211 laxa sem er í alla staði bara gott sumar í ánni.

Selá á líka mikin viðsnúning þó hann sé ekki alveg jafn mikill en góður er hann samt. Veiðin í ánni var 764 laxar 2021 en núna er hún komin í 1.164 laxa. Það er greinilegt að sjá að stóru árnar á norðausturlandi eru að eiga gott sumar en þar má líka nefna Jöklu sem er komin í 790 laxa en var með 540 laxa.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.