Bílar

Ný Toyota skorar Tesla Model 3 á hólm

Kristinn Ásgeir Gylfason skrifar
Toyota bZ stallbakurinn sem væntanlega mun heita bZ3.
Toyota bZ stallbakurinn sem væntanlega mun heita bZ3.

Toyota kynnti nýlega rafbíl sem líklega mun bera nafnið bZ3 og er ætlað að koma á markað í Evrópu eftir að verða fyrst settur á markað í Kína. Bíllinn er einn af þeim fyrstu í einni umfangsmestu rafvæðingu sögunar hjá einum og sama framleiðandanum.

Toyota hefur lengi talað fyrir því að rafvæðing sé ekki eina leiðin til að ná fram markmiðum um umhverfisvænni samgöngur. En á sama tíma er Toyota á barmi þess að setja fjölda rafbíla á markað. Það verður nauðsynlegt ef framleiðandinn ætlar að halda sér í umræðunni og ekki sitja eftir á meðan bransinn breytist. Samkeppnin er hörð. Stórir framleiðendur eins og Volkswagen, Kia, Hyundai og Stellantis hafa allir þegar sett rafbíla á markað og standa því skör framar en Toyota eins og staðan er.

Myndband af YouTube síðunni Real Channel Automotive sem virðist sýna myndir af bZ3 sem hafa lekið frá Toyota.

Flaggskipið frá Toyota verður jepplingur á stærð við Rav4 sem heitir bZ4X og framundan er að framleiða fyrstu bílana. Enn er óvíst hvenær viðskiptavinir fá fyrstu bílana. Þegar Toyota kynnti plön sín um rafvæðingu í lok síðasta árs, sagði framkvæmdastjóri Toyota, Akio Toyoda að stallbakur yrði næstur í bZ línunni.

Bíllinn mun væntanlega koma til Evrópu á árinu 2024. Markmiðið verður að skora Tesla Model 3 á hólm og stela markaðshlutdeild frá öðrum framleiðendum sem einnig ætla sér að koma með bíla í sambærilegum stærðarflokki á markað á næstu mánuðum og árum.

Bíllinn er unninn í samstarfi við BYD sem er kínverkst fyrirtæki sem býr yfir rafhlöðutækni sem heitir Blade og er litíum járnfosfat rafhlaða, þær rafhlöður taka minna pláss en aðrar sem eru nú notaðar og gæti bíllinn grætt innra rými á því.

Drægni verður um 420 kílómetrar. Rafhlaðan er 64,5 kWh og bíllinn er hannaður með skilvirkni í huga.

Fréttin hefur verið uppfærð.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.