Bílar

Tesla opnar fimm Supercharger stöðvar fyrir aðra en Tesla eigendur

Kristinn Ásgeir Gylfason skrifar
Tesla hleðslustöð.
Tesla hleðslustöð. Vilhelm Gunnarsson

Tesla hefur nú hafið tilraunaverkefni sem felur í sér að opna á nokkrar Supercharger hraðhleðslustöðvar fyrir notendur og eigendur rafbíla af öðrum tegundum en Tesla. Tesla eigendur geta haldið áfram að nota þessar stöðvar eins og þeir hafa alltaf gert og Tesla mun fylgjast náið með nýtingu á hverri stöð.

Boðið er upp á tvær leiðir til að gerast viðskiptavinur fyrir aðra en Tesla eigendur. Hægt er að velja að greiða fast mánaðargjald (1800 kr. á Íslandi) í appinu til að fá aðgang að lægra hleðsluverði pr. kWh.. Þá er verðið það sama og Tesla eigendur greiða (að meðaltali 61,60 kr. pr. kWh. á Íslandi). Þeir sem kjósa ekki að greiða fast mánaðargald geta hlaðið en greiða hærra verð pr. kWh. (79 kr. pr. kWh. á Íslandi). Verðin á stöðvunum eru mismunandi eftir landsvæðum en allar upplýsingar um verð á hleðslu má finna í Tesla appinu.

Þriðja kynslóð af ofurhleðslutengi (e. Supercharger).

Meðal þess sem kom fram í tilkynningunni frá Tesla var yfirferð yfir sögu Supercharge stöðvanna.

„Í desember 2019, opnaði Tesla af fyrstu Supercharger hraðhleðslustöðina á Íslandi. Í dag eru stöðvarnar alls 8 talsins með hleðslutengi fyrir 35 bifreiðar og eru staðsettar hringinn í kringum landið. Sumarið 2021 kláruðum við að tengja hringveginn sem gerir ferðalög á rafmagnsbifreiðum enn einfaldari og þægilegri.

Í nóvember 2021 hófum við tilraunaverkefni með því að opna hluta af hraðahleðslustöðvunum okkar erlendis og í dag opnum við hluta af stöðvunum okkar hér á Íslandi til að styðja markmið okkar um að flýta fyrir umskiptum heimsins yfir í notkun á sjálfbærri orku. Í dag munum við opna valdar fimm stöðvar á Akureyri, Egilsstöðum, Hvolsvelli, Höfn og Kirkjubæjarklaustri fyrir öllum eigendum rafbíla.

Tesla Model 3 á hleðslubás við Staðarskála. Sem er ekki ein af þeim stöðvum sem er opin öðrum en Tesla eigendum.

Þessar fimm stöðvar sem innihalda hleðslutengi fyrir 20 bifreiðar eru hluti af tilraunaverkefninu okkar á Íslandi, sem gerir það að einu stærsta hraðhleðsluneti landsins. Þessi stækkun styrkir stöðu Supercharger hraðhleðslunets Tesla sem er stærsta hraðhleðslunet (> 150 kW) í Evrópu.

Greiður aðgangur að stóru, þægilegu og áreiðanlegu hraðhleðsluneti er mikilvægt fyrir notkun rafbíla og til að mæta þeirri þróun í fjölgun þeirra á götum landsins. Einmitt þess vegna höfum við, frá því að við opnuðum fyrstu Supercharger hraðhleðslustöðina okkar árið 2012, verið staðráðin í hraðri stækkun netsins. Í dag rekum hraðhleðslunet þar sem 35.000 bifreiðar geta hlaðið á sama tíma.“



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.