Hlíf féll af mótor flugvélar frá flugfélaginu Atlanta ehf. sem var á leið frá Liége í Belgíu til Möltu síðastliðinn fimmtudag. Hlífin lenti í innkeyrslu við íbúðarhúsnæði í Waremme í Belgíu.
Vélin er af gerðinni Boeing 747-400 og er fraktvél.
Í fréttatilkynningu frá flugfélaginu kemur fram að flugið hafi gengið vel fyrir sig og hlífarmissirinn hafi ekki uppgötvast fyrr en vélin hafði lent á Möltu. Vélin er sögð hafa verið lagfærð og hefur hafið reglubundið flug á ný.
Málið sé nú til rannsóknar í samstarfi við Samgöngustofu og viðeigandi yfirvöld í Belgíu en haft hafi verð samband við Boeing sem muni veita tæknilega aðstoð vegna rannsóknarinnar. Þar að auki fái aðilinn sem varð fyrir tjóni vegna málsins það bætt.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
Fleiri fréttir
Sjá meira
