Viðskipti innlent

Verð­bólgan ein sú lægsta í Evrópu

Bjarki Sigurðsson skrifar
Bjarni Benediktsson fjármálaráðherra er frumvarp til fjárlaga var kynnt fyrr í dag.
Bjarni Benediktsson fjármálaráðherra er frumvarp til fjárlaga var kynnt fyrr í dag. Vísir/Vilhelm

Verðbólgan á Íslandi er ein sú lægsta meðal Evrópuríkja samkvæmt fjárlagafrumvarpi sem kynnt var í dag. Þó er mikilvægt að standa vörð um hana.

Bjarni Benediktsson fjármálaráðherra sagði á kynningu á frumvarpi til fjárlaga að hækkun verðbólgu væri áhyggjuefni en samt sé verðbólgan hér á landi ein sú lægsta í Evrópu.

Verðbólgan hefur hækkað gífurlega á heimsvísu en sums staðar í Evrópu er hún komin yfir tuttugu prósent. Samkvæmt samræmdri vísitölu er verðbólgan hér á landi um fimm prósent. Aðeins eitt ríki er með lægri verðbólgu.

Hér má sjá þróun verðbólgu í Evrópuríkjum samkvæmt samræmdri vísitöluFjármálaráðuneytið

Alþjóðlegar efnahagshorfur hafa versnað hratt, ekki síst vegna hækkunar orkuverðs. Hætta er á að staðan versni enn meira í Evrópu. Í frumvarpinu segir að áhrif hækkunar orkuverðs hafi verið takmörkuð á Íslandi, enda er hlutfall endurnýjanlegrar orku hærra hér.

„Erlendir ferðamenn eru nú jafn margir og fyrir faraldurinn. Útlit er fyrir að í ár verði hagvöxtur á Íslandi einn sá mesti meðal aðildarríkja OECD og verðbólga er hér næstlægst í Evrópu á samræmdan mælikvarða,“ segir í tilkynningu á vef stjórnarráðsins.

Bjarni ræddi verðbólguna í viðtali við fréttastofu að fundi loknum.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.