Varðskipið Þór til taks við Grímsey

Viktor Örn Ásgeirsson skrifar 11. september 2022 14:16

Varðskipið liggur við höfn í Reykjavík. Myndin er úr safni. Vísir/Vilhelm

Varðskipið Þór kom að Grímsey um hádegisbil í dag og verður við eyjuna næstu daga. Öflug jarðskjálftahrina hefur riðið yfir í námunda við eyjuna síðan 8. september og var óvissustigi almannavarna lýst yfir á föstudaginn.

RÚV greinir frá því að varðskipið liggi við akkeri um hálfa mílu frá landi. Um borð er átján manna áhöfn.

„Við verðum hérna bara til taks. Við verðum bara tilbúnir rétt við eyjuna. Við erum eins og alltaf bara klárir, með léttbáta og allt sem til þarf ef það þarf flutninga hér úr eyjunni,“ segir Eiríkur Bragason skipherra í samtali við fréttastofu RÚV.

Þúsundir jarðskjálfta hafa mælst nálægt Grímsey síðan jarðskjálftahrinan hófst og stærsti skjálftinn í hrinunni var 4,9 að stærð. Náttúruvársérfræðingur sagði við fréttastofu Vísis í gær að ekki væri hægt að útiloka stærri skjálfta.

Grímsey Eldgos og jarðhræringar Landhelgisgæslan

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.