Veiði

Mokveiði á maðkinn í Ytri Rangá

Karl Lúðvíksson skrifar
Mynd: West Ranga river Iceland FB

Maðkveiðihófst í byrjun september í Ytri Rangá og það var alveg vitað að veiðin yrði rosaleg því það er mikið af laxi í ánni.

Það er búin að vera mikil veiði eftir að maðkurinn fór niður og þessi mokveiði í Ytri Rangá er búin að koma henni upp yfir 4.000 laxa, nánar tiltekið var veiðin komin í 4.037 laxa í gærkvöldi. Það er ennþá lax að ganga og lúsugir laxar að veiðast á Borg og á neðstu veiðistöðunum á aðalsvæðinu og víðar. Það er alveg ljóst að áin verður líklega komin yfir 5.000 laxa í þessum mánuði og líklega nokkuð vel yfir það. 

Það er veitt í Ytri Rangá fram til loka október og eftir 21. september er hægt að komast í staka daga og það eru margir veiðimenn sem nýta sér það. Haustveiðin í ánni getur verið feykna góð ef það verður ekki of kalt og það sem meira er að á þeim árstíma, þá sérstaklega á neðri hlutanum af ánni fer stóri sjóbirtingurinn að sýna sig.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.