Samruni leikjarisa undir smásjám víða um heim Samúel Karl Ólason skrifar 1. september 2022 13:00 Samruni Microsoft og Activision Blizzard yrði sá stærsti í leikjaiðnaðinum. Getty/Hakan Nural Samkeppniseftirlit Bretlands hefur lokið grunnskoðun á kaupum Microsoft á leikjarisanum Activision Blizzard. Niðurstaða þeirrar skoðunar er mögulega gætu þau haft slæm áhrif á samkeppni á tölvuleikjamarkaði. Yfirvöld víða um heim hafa svipaðar áhyggjur af kaupunum. Á vef Samkeppniseftirlits Bretlands segir að kaupin verði skoðuðu nánar, gefi forsvarsmenn þeirra ekki góðar ástæður fyrir því að samruni fyrirtækjanna muni ekki koma niður á samkeppni. Forsvarsmenn Microsoft tilkynntu í janúar að skrifað hefði verið undir samkomulag um að fyrirtækið myndi kaupa Activision Blizzard á 68,7 milljarði dala. Það samsvarar í dag tæplega tíu þúsund milljörðum króna. Bæði fyrirtækin eru meðal þeirra stærstu á sviðið leikjafyrirtækja í heiminum. AP fréttaveitan segir Breta ekki þá einu sem hafi áhyggjur af samrunanum og nefnir yfirvöld í Nýja-Sjálandi, Brasilíu og í Bandaríkjunum. Sjö mánuðum eftir að kaupin voru opinberuðu séu yfirvöld í Sádi-Arabíu þau einu sem hafa veitt samrunanum samþykki. Fréttaveitan segir að stærð bæði Microsoft og Activision Blizzard hafi leitt til þess að kaupin eru til skoðunar víða um heim. Þetta yrði stærsti samruninn í sögu leikjageirans. Í Bandaríkjunum nýtur Microsoft þó nokkuð góðs orðspors þessa dagana. Forsvarsmenn fyrirtækisins hafa á undanförnum árum lagt mikla vinnu í að byggja það orðspor upp, meðal annars með því að stofna verkalýðsfélag og vegna afstöðu fyrirtækisins gagnvart persónuupplýsingum. Það sama má ekki segja um Activision Blizzard en þaðan hafa á undanförnum árum borist margar neikvæðar fréttir og þá sérstaklega fréttir um eitrað andrúmsloft og áreiti og ofbeldi í garð kvenna. Fjölmargir starfsmenn fyrirtækisins lögðu niður störf í fyrra vegna málsins og vegna aðgerðaleysis stjórnenda. í bréfi sem forsvarsmenn Sony sendu til yfirvalda í Brasilíu lýsa þeir yfir sérstökum áhyggjum af því að Microsoft stjórni Call of Duty leikjunum. Þeir hafi svo djúpar rætur í samfélagi leikjaspilara og séu svo vinsælir að ómögulegt væri fyrir samkeppnisaðila Microsoft að keppa við leikina, taki forsvarsmenn sameinaðs fyrirtækis Microsofts og Activision Blizzard að hætta að gefa leikina út fyrir PlayStation leikjatölvur og gefa þá þess í stað eingöngu út fyrir Xbox og PC. Sony hefur lengi átt í miklu samstarfi við Activision. Eins og bent er á í frétt Eurogamer hefur Sony meðal annars tekið mikinn þátt í markaðssetningu Call of Duty leikja og greitt Activision fyrir aukin fríðindi PlayStation eigenda í leikjunum. Brad Smith, forstjóri Microsoft, hefur sagt að leikir eins og Call of Duty yrðu áfram aðgengilegir í PlayStation-leikjatölvum, lengur en núverandi samningar segi til um og inn í framtíðina. Forsvarsmenn Sony hafa áður sagt að þeir eigi von á því að leikir sameinaðs MAB verði áfram aðgengilegir fyrir eigendur PlayStation-leikjatölva. Sjá einnig: Búast við því að Microsoft haldi leikjum aðgengilegum í PlayStation Vert er að benda á það að eftir að Microsoft keypti Bethesda, sem gerir meðal annars vinsæla leiki eins og Elder Scrolls og Fallout, var tilkynnt að Starfield, næsti leikur fyrirtækisins, verði einungis aðgengilegur í xBox og PC. Forstjóri Microsoft Gaming hefur sömuleiðis gefið í skyn að það muni einnig eiga við um næsta Elder Scrolls 6. Miklar sviptingar Undanfarin ár hefur Microsoft keypt þó nokkur leikjafyrirtæki af smærri gerðinni. Fyrirtækið keypti svo í fyrra ZeniMax Media, sem gefur meðal annars út Elder Scrolls-, Doom-, og Fallout-leikina. Fleiri sviptingar hafa orðið í heimi tölvuleikjaframleiðenda á undanförnum mánuðum en þó engar á sama stærðarskala og kaup Microsoft á Activision Blizzard. Má nefna það að Sony keypti leikjafyrirtækið Bungie og Take Two, sem gefur út Grand Theft Auto-leikina, keypti fyrirtækið Zynga. Sjá einnig: Sony kaupir leikjarisann Bungie Þar að auki hafa á undanförnum vikum borist fréttir af því að forsvarsmenn Amazon hafi áhuga á að kaupa EA Games, einn stærsta leikjaútgefanda heims. Þær fregnir hafa þó ekki verið staðfestar og hafa sömuleiðis borist fregnir af því að upprunalegu fregnirnar séu rangar. Leikjavísir Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Há laun og dýr bjór séu vandamál ÁTVR Viðskipti innlent „Svo hefst kapphlaupið í það hver er fyrstur að ná sturtunni!“ Atvinnulíf Dagar Workplace eru taldir Viðskipti erlent Fyrirtæki hvött til að halda upp á daginn í dag og gera sér dagamun Atvinnulíf Hnífjöfn atkvæðagreiðsla sem gæti endað fyrir dómi Viðskipti innlent Rauf sátt vegna Max-málsins og gæti átt yfir höfði sér refsimál Viðskipti erlent Segir arðgreiðslur ÁTVR hafa lækkað um 400 milljónir vegna netsölu Viðskipti innlent Segir að Play sé og verði áfram með höfuðstöðvar á Íslandi Viðskipti innlent Base parking gjaldþrota Viðskipti innlent Snillingur í útlöndum: „Þegar vinirnir keyptu sér nammi keypti ég mér diskókúlur“ Atvinnulíf Fleiri fréttir Dagar Workplace eru taldir Rauf sátt vegna Max-málsins og gæti átt yfir höfði sér refsimál Apple biðst afsökunar á auglýsingu fyrir nýjan iPad Rannsaka hvort Tesla hafi blekkt neytendur og fjárfesta Taka bóluefni AstraZeneca úr sölu vegna dvínandi eftirspurnar Tekjur Apple drógust saman enn eina ferðina Stofnandi Binance dæmdur fyrir peningaþvætti Sagðir vilja frekar loka TikTok en selja Sækjast eftir fangelsisdómi yfir rafmyntakóngi Mikill samdráttur á hagnaði Tesla Ný kynslóð vélmenna vekur óhug Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Sjá meira
Á vef Samkeppniseftirlits Bretlands segir að kaupin verði skoðuðu nánar, gefi forsvarsmenn þeirra ekki góðar ástæður fyrir því að samruni fyrirtækjanna muni ekki koma niður á samkeppni. Forsvarsmenn Microsoft tilkynntu í janúar að skrifað hefði verið undir samkomulag um að fyrirtækið myndi kaupa Activision Blizzard á 68,7 milljarði dala. Það samsvarar í dag tæplega tíu þúsund milljörðum króna. Bæði fyrirtækin eru meðal þeirra stærstu á sviðið leikjafyrirtækja í heiminum. AP fréttaveitan segir Breta ekki þá einu sem hafi áhyggjur af samrunanum og nefnir yfirvöld í Nýja-Sjálandi, Brasilíu og í Bandaríkjunum. Sjö mánuðum eftir að kaupin voru opinberuðu séu yfirvöld í Sádi-Arabíu þau einu sem hafa veitt samrunanum samþykki. Fréttaveitan segir að stærð bæði Microsoft og Activision Blizzard hafi leitt til þess að kaupin eru til skoðunar víða um heim. Þetta yrði stærsti samruninn í sögu leikjageirans. Í Bandaríkjunum nýtur Microsoft þó nokkuð góðs orðspors þessa dagana. Forsvarsmenn fyrirtækisins hafa á undanförnum árum lagt mikla vinnu í að byggja það orðspor upp, meðal annars með því að stofna verkalýðsfélag og vegna afstöðu fyrirtækisins gagnvart persónuupplýsingum. Það sama má ekki segja um Activision Blizzard en þaðan hafa á undanförnum árum borist margar neikvæðar fréttir og þá sérstaklega fréttir um eitrað andrúmsloft og áreiti og ofbeldi í garð kvenna. Fjölmargir starfsmenn fyrirtækisins lögðu niður störf í fyrra vegna málsins og vegna aðgerðaleysis stjórnenda. í bréfi sem forsvarsmenn Sony sendu til yfirvalda í Brasilíu lýsa þeir yfir sérstökum áhyggjum af því að Microsoft stjórni Call of Duty leikjunum. Þeir hafi svo djúpar rætur í samfélagi leikjaspilara og séu svo vinsælir að ómögulegt væri fyrir samkeppnisaðila Microsoft að keppa við leikina, taki forsvarsmenn sameinaðs fyrirtækis Microsofts og Activision Blizzard að hætta að gefa leikina út fyrir PlayStation leikjatölvur og gefa þá þess í stað eingöngu út fyrir Xbox og PC. Sony hefur lengi átt í miklu samstarfi við Activision. Eins og bent er á í frétt Eurogamer hefur Sony meðal annars tekið mikinn þátt í markaðssetningu Call of Duty leikja og greitt Activision fyrir aukin fríðindi PlayStation eigenda í leikjunum. Brad Smith, forstjóri Microsoft, hefur sagt að leikir eins og Call of Duty yrðu áfram aðgengilegir í PlayStation-leikjatölvum, lengur en núverandi samningar segi til um og inn í framtíðina. Forsvarsmenn Sony hafa áður sagt að þeir eigi von á því að leikir sameinaðs MAB verði áfram aðgengilegir fyrir eigendur PlayStation-leikjatölva. Sjá einnig: Búast við því að Microsoft haldi leikjum aðgengilegum í PlayStation Vert er að benda á það að eftir að Microsoft keypti Bethesda, sem gerir meðal annars vinsæla leiki eins og Elder Scrolls og Fallout, var tilkynnt að Starfield, næsti leikur fyrirtækisins, verði einungis aðgengilegur í xBox og PC. Forstjóri Microsoft Gaming hefur sömuleiðis gefið í skyn að það muni einnig eiga við um næsta Elder Scrolls 6. Miklar sviptingar Undanfarin ár hefur Microsoft keypt þó nokkur leikjafyrirtæki af smærri gerðinni. Fyrirtækið keypti svo í fyrra ZeniMax Media, sem gefur meðal annars út Elder Scrolls-, Doom-, og Fallout-leikina. Fleiri sviptingar hafa orðið í heimi tölvuleikjaframleiðenda á undanförnum mánuðum en þó engar á sama stærðarskala og kaup Microsoft á Activision Blizzard. Má nefna það að Sony keypti leikjafyrirtækið Bungie og Take Two, sem gefur út Grand Theft Auto-leikina, keypti fyrirtækið Zynga. Sjá einnig: Sony kaupir leikjarisann Bungie Þar að auki hafa á undanförnum vikum borist fréttir af því að forsvarsmenn Amazon hafi áhuga á að kaupa EA Games, einn stærsta leikjaútgefanda heims. Þær fregnir hafa þó ekki verið staðfestar og hafa sömuleiðis borist fregnir af því að upprunalegu fregnirnar séu rangar.
Leikjavísir Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Há laun og dýr bjór séu vandamál ÁTVR Viðskipti innlent „Svo hefst kapphlaupið í það hver er fyrstur að ná sturtunni!“ Atvinnulíf Dagar Workplace eru taldir Viðskipti erlent Fyrirtæki hvött til að halda upp á daginn í dag og gera sér dagamun Atvinnulíf Hnífjöfn atkvæðagreiðsla sem gæti endað fyrir dómi Viðskipti innlent Rauf sátt vegna Max-málsins og gæti átt yfir höfði sér refsimál Viðskipti erlent Segir arðgreiðslur ÁTVR hafa lækkað um 400 milljónir vegna netsölu Viðskipti innlent Segir að Play sé og verði áfram með höfuðstöðvar á Íslandi Viðskipti innlent Base parking gjaldþrota Viðskipti innlent Snillingur í útlöndum: „Þegar vinirnir keyptu sér nammi keypti ég mér diskókúlur“ Atvinnulíf Fleiri fréttir Dagar Workplace eru taldir Rauf sátt vegna Max-málsins og gæti átt yfir höfði sér refsimál Apple biðst afsökunar á auglýsingu fyrir nýjan iPad Rannsaka hvort Tesla hafi blekkt neytendur og fjárfesta Taka bóluefni AstraZeneca úr sölu vegna dvínandi eftirspurnar Tekjur Apple drógust saman enn eina ferðina Stofnandi Binance dæmdur fyrir peningaþvætti Sagðir vilja frekar loka TikTok en selja Sækjast eftir fangelsisdómi yfir rafmyntakóngi Mikill samdráttur á hagnaði Tesla Ný kynslóð vélmenna vekur óhug Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Sjá meira