Golf

Vill ekki sjá LIV-mennina á stórmótinu: „Hata áhrifin sem þetta hefur á golfið“

Valur Páll Eiríksson skrifar
TOUR Championship - Final Round ATLANTA, GEORGIA - AUGUST 28: Rory McIlroy of Northern Ireland celebrates with the FedEx Cup after winning during the final round of the TOUR Championship at East Lake Golf Club on August 28, 2022 in Atlanta, Georgia. (Photo by Kevin C. Cox/Getty Images)
TOUR Championship - Final Round ATLANTA, GEORGIA - AUGUST 28: Rory McIlroy of Northern Ireland celebrates with the FedEx Cup after winning during the final round of the TOUR Championship at East Lake Golf Club on August 28, 2022 in Atlanta, Georgia. (Photo by Kevin C. Cox/Getty Images) Getty Images

Kylfingurinn Rory McIlroy er ekki spenntur fyrir því að keppa við kylfinga af LIV-mótaröðinni á PGA-meistaramótinu sem fram undan er. 

McIlroy vann FedEx-bikarinn um helgina og varð þannig sá fyrsti í sögunni til að vinna mótið þrisvar sinnum á ferlinum.

Hann er á meðal háværustu gagnrýnenda hinnar nýlega stofnuðu LIV-mótaraðar sem er fjármögnuð af yfirvöldum í Sádí-Arabíu og hann ítrekaði stöðu sína eftir að hafa fagnað sigri á einum af stærstu titlum PGA-mótaraðarinnar.

„Ég hata hvaða áhrif þetta hefur á golfið,“ sagði McIlroy um LIV-mótaröðina.

Fjölmargir kylfingar hafa yfirgefið PGA-mótaröðina fyrir LIV sem heldur átta mót á þessu ári en stefnir að því að verða mótaröð á næsta ári sem veitir PGA samkeppni. Brooks Koepka, Phil Mickelson, Bryson DeChambeau og Dustin Johnson eru á meðal þeirra sem hafa skipt yfir en yfirmenn hjá PGA-mótaröðinni brást við með því að setja þá í bann frá mótum á sínum snærum.

Keppendur á DP World Tour, Evrópumótaraða hluta PGA, sem hafa skipt yfir á LIV hafa aftur á móti fengið banni sínu frá keppnum PGA lyft tímabundið. Þeir munu því geta tekið þátt á PGA-meistaramótinu sem fer fram 8.-11. september.

Lee Westwood, Sergio Garcia og Ian Poulter eru því á meðal kylfinga á LIV-mótaröðinni sem geta tekið þátt, en alls er búist við að 19 kylfingar af LIV-mótaröðinni verði með á mótinu.

„Ég hata það, virkilega. Það verður erfitt að taka því að þeir geti mætt á Wentworth eftir tvær vikur og að sjá þá alla þarna. Mér finnst það ekki í lagi,“ segir McIlroy.

Öll stærstu golfmótin eru á Stöð 2 Golf en upplýsingar um útsendingar má finna hér. Stöð 2 Golf kostar 3.990 krónur á mánuði en er einnig hluti af Sportpakkanum.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.