Viðskipti innlent

Ráðin fram­kvæmda­stjóri VBM

Atli Ísleifsson skrifar
Halldóra G. Hinriksdóttir.
Halldóra G. Hinriksdóttir. Aðsend

Halldóra G. Hinriksdóttir, forstöðumaður hjá RB hf., hefur verið ráðin framkvæmdastjóri Verðbréfamiðstöðvar Íslands og tekur við starfinu 1. september.

Í tilkynningu segir að hún taki við af Erlu Aðalgeirdóttur sem hafi stýrt félaginu frá 2018 og hafi á þeim tíma leitt stór verkefni meðal annars tengingu félagsins við millibankakerfi Seðlabanka Íslands og stærstu reikningsstofnanirnar sem og að leiða fyrstu útgáfur fyrir ríkið og banka.

Halldóra hefur verið forstöðumaður hjá RB hf. frá því í ársbyrjun 2022 en leiddi þar á undan vel heppnaða sameiningu seðlavera bankanna sem framkvæmdastjóri JCC ehf. frá árinu 2018 eða þar til það var sameinað Reikningsstofu bankanna í ársbyrjun. Halldóra var einnig forstöðumaður hjá Landsbankanum um árabil þar sem hún stýrði deildinni verkefnastofa og stefnumótun. Halldóra er með MBA gráðu frá University of Edinburgh,“ segir í tilkynningunni.

Verðbréfamiðstöð Íslands gegnir hlutverki sem þjónustuaðili útgefenda og fjárfesta sem umsjónaraðili rafbréfa og er í eigu íslenskra lífeyrissjóða, bankastofnana og annarra fagfjárfesta.

Vistaskipti


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið