Innlent

Töluvert um innbrot í nótt

Ólafur Björn Sverrisson skrifar
Margar tilkynningar um innbrot bárust lögreglu.
Margar tilkynningar um innbrot bárust lögreglu. Vísir/Kolbeinn Tumi

Nokkuð erilsöm nótt hjá lögreglunni á höfuðborgarsvæðinu er að baki, af dagbók embættisins að dæma.

Tilkynnt var um innbrot í Fossvogi þar sem menn voru farnir af vettvangi þegar lögreglu bar að. Að auki var tilkynnt um grunsamlegar mannaferðir í sama hverfi þar sem aðilar hafi reynt að komast inn í hús. 

Dagbók lögreglu segir einnig frá manni sem gekk berserksgang á bráðamóttöku. Hann flúði af vettvangi og er hans enn leitað. Nokkuð var um slagsmál og ofurölvi fólk í miðbænum.

Í Hafnafirði var einnig tilkynnt um innbrot í nokkrar geymslur. Þá var einnig tilkynnt um hópslagsmál í Breiðholti en ekki vitað meira um það mál að svo stöddu. 

Loks var tilkynnt um innbrot í bílasölu í Árbænum en maður var flúinn af vettvangi þegar lögreglu bar að, líkt og í fyrrgreindum innbrotum.

Lögreglumál Reykjavík
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið