Viðskipti innlent

Hyggjast byggja upp jarð­efna­garð í Álfs­nesi

Atli Ísleifsson skrifar
Þorsteinn Víglundsson, framkvæmdastjóri Hornsteins ehf.m og Jón Viggó Gunnarsson, framkvæmdastjóri Sorpu.
Þorsteinn Víglundsson, framkvæmdastjóri Hornsteins ehf.m og Jón Viggó Gunnarsson, framkvæmdastjóri Sorpu. Sorpa

Þorsteinn Víglundsson, framkvæmdastjóri Hornsteins ehf.m og Jón Viggó Gunnarsson, framkvæmdastjóri Sorpu, hafa undirritað viljayfirlýsingu um samstarf um uppbyggingu á jarðefnagarði á athafnasvæði Björgunar í Álfsnesvík í Álfsnesi.

Í tilkynningu segir að þar verði móttaka á jarðvegi, steinefnum og óvirkum úrgangi frá byggingariðnaði. Með þessu verði mögulegt að hafa til taks flokkaðan jarðveg til endurnýtingar í byggingarstarfsemi, gatnagerð og aðra landfyllingu.

„Gríðarlegt magn margvíslegs úrgangs fylgir byggingarframkvæmdum og mikil áskorun að gera betur, endurnýta efni og draga úr sóun.

Meira en 530 þúsund tonn falla til árlega af byggingarúrgangi á Íslandi og hefur lítið af því efni verið endurnýtt. Með þessu yrði stórt skref stigið í endurnýtingu þessara efna og innleiðingu hringrásarhagkerfis á Íslandi.

Þann 1. janúar taka gildi nýjar reglur um sérstaka söfnun byggingarúrgangs. Þá verður meðal annars skylt að flokka rekstrarúrgang og byggingar- og niðurrifsúrgang sérstaklega og sveitarfélögum ber að tryggja aðstöðu til að taka við þessum úrgangi flokkuðum. SORPA vill með þessu stuðla að því að þessum lögum sé fylgt og styðja við uppbyggingu endurvinnsluiðnaðar og innleiðingu hringrásarhagkerfis á Íslandi,“ segir í tilkynningunni.

Sorpa Byggingariðnaður Reykjavík Umhverfismál


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið