Golf

Jóhannes og Guðrún Brá leiða eftir fyrsta dag Korpubikarsins

Hjörtur Leó Guðjónsson skrifar
Guðrún Brá Björgvinsdóttir leiðir í kvennaflokki eftir fyrsta dag Korpubikarsins.
Guðrún Brá Björgvinsdóttir leiðir í kvennaflokki eftir fyrsta dag Korpubikarsins. gsimyndir.net

Jóhannes Guðmundsson úr Golfklúbbi Reykjavíkur og Guðrún Brá Björgvinsdóttir úr Golklúbbnum Keili leiða í karla- og kvennaflokki eftir fyrsta dag Korpubikarsins í golfi.

Korpubikarinn er lokamót ársins á stigamótaröð GSÍ. Jóhannes lék holurnar 18 á 65 höggum, eða sjö höggum undir pari vallarins. Guðrún Brá lék best í kvennaflokki á 69 höggum, þrem höggum undir pari.

Þeir Axel Bóasson úr Golfklúbbnum Keili og Hákon Örn Magnússon úr Golfklúbbi Reykjavíkur deila öðru sætinu í karlaflokki, en báðir léku þeir á sex höggum undir pari.

Í kvennaflokki deila þær Perla Sól Sigurbrandsdóttir og Berglind Björnsdóttir, báðar úr Golfklúbbi Reykjavíkur, öðru sætinu, en þær léku á einu höggi undir pari.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.