Innlent

Gosstöðvarnar verða áfram lokaðar

Ólafur Björn Sverrisson skrifar
Svartaþoka hefur tekið á móti ferðamönnum sem hafa ætlað sér að sjá gosið síðustu daga.
Svartaþoka hefur tekið á móti ferðamönnum sem hafa ætlað sér að sjá gosið síðustu daga. vísir/vilhelm

Tekin hefur verið ákvörðun um að áfram verði lokað inn á gosstöðvarnar í dag, þriðjudag, vegna veðuraðstæðna.

Þetta kemur fram í tilkynningu frá lögreglustjóranum á Suðurnesjum. Heldur vont veður er í kortunum á svæðinu í dag. „Ákvörðun um opnun svæðisins verður tekin á stöðufundi klukkan 8:30 í fyrramálið, miðvikudaginn 10. ágúst og tilkynning send á fjölmiðla í kjölfarið,“ segir jafnframt í tilkynningu.

Gosstöðvarnar hafa verið lokaðar síðan á mánudag en í gær gekk heldur illa að halda fólki frá því að fara að gosstöðvunum. Til að mynda var um tíu manns var bjargað af björgunarsveitarfólki eftir heldur strembna leit í svartaþoku í gær. Voru ferðamennirnir kaldir og hraktir.

„Það er enn strekkingsvindur þarna og gríðarlega mikil rigning, það á töluvert eftir að rigna næstu tvo til þrjá tímana en svo ganga skilin yfir og við tekur töluvert skárra veður. Ég er nú hræddur um að það verði frekar lágskýjað og þungbúið áfram.“ Þetta sagði Óli Þór Árnason, veðurfræðingur á veðurstofu Íslands, í samtali við fréttastofu í morgun þegar hann var spurður út í veðurhorfur á svæðinu.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.