Veiði

Bestu veiðistaðir Elliðaánna

Karl Lúðvíksson skrifar
Það komast færri að en vilja í Elliðaárnar í sumar
Það komast færri að en vilja í Elliðaárnar í sumar Mynd af www.svfr.is

Veiðin í Elliðaánum hefur gengið vel í sumar og það hafa verið prýðilegar göngur í ána sem hefur skilað um 500 löxum það sem af er sumri.

Það er áhugavert að skoða hvaða veiðistaðir gefa bestu veiðina í ánum og það vekur athygli að af topp tíu bestu stöðunum eru fimm ofan Árbæjarstíflu. Hundasteinar hafa gefið mest í sumar eða samtals 85 laxa og eru langgjöfulasti veiðistaðurinn í sumar. Símastrengur er í öðru sæti með 49 laxa en það er alveg magnað hvað þessi netti staður getur haldið af laxi. Árbæjarhylur er með 48 laxa og þar er mikið af laxi síðsumars svo það er ekkert ólíklegt að hann eigi eftir að vera ofar á þessum lista ef ekki efstur þegar líður á tímabilið. 

Hraun hefur svo gefið 43 laxa og Kerlingarflúðir 18 laxa. Kerlingaflúðir var einn af þessum veiðistöðum sem talað var um sem dæmigerðar maðkaholur en það er reglulega gaman að sjá hvað margir skella flugunni undir þarna því þetta er skemmtilegur "pocket fishing" eða holuveiði veiðistaður. Það er ennþá rúmur mánuður eftir af veiði í ánum og Veiðivísir er nokkuð viss um að heildartalan fari líklega yfir 700 laxa ef síðsumarsveiðimenn fá þokkalegt veður til veiða.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.