Viðskipti innlent

Egill til Arctic Green Energy

Atli Ísleifsson skrifar
Egill Júlíusson.
Egill Júlíusson. Arctic Green

Egill Júlíusson hefur verið ráðinn framkvæmdastjóri tæknisviðs hjá Arctic Green Energy á Íslandi. Hann kemur til félagsins frá Landsvirkjun.

Þetta kemur fram í tilkynningu frá félaginu. Þar segir að Egill muni hafa umsjón með tæknilegum lausnum félagsins á sviði jarðhita og annarra orkugjafa til viðskiptavina þess um allan heim. Þá muni Egill stýra þekkingasetri Arctic Green Energy á Íslandi. 

„Innan þess eru nokkrir af helstu sérfræðingum alþjóðajarðhitageirans, m.a.: Dr. Guðni A Jóhannesson fyrrum Orkumálastjóri, Dr. Ólafur Flóvenz, fyrrum forstjóri Íslenskra orkurannsókna (ÍSOR), Dr. Páll Valdimarsson, prófessor og fyrirlesari á sviði jarðhita og hitaveitukerfa við stofnanir víða um heim og Grímur Björnsson, jarðeðlis- og forðafræðingur með yfir 35 ára reynslu í greiningum á jarðvarmaauðlindum.

Dr. Egill Júlíusson kemur til Arctic Green Energy frá Landsvirkjun þar sem hann gegndi stöðu nýsköpunarstjóra og yfirforðafræðings. Þar hóf hann störf árið 2012 og hefur sinnt ýmsum verkefnum, m.a. líkanagerð, gagnastýringu, gufuöflun, uppbyggingu auðlindagarða og þróun nýrra aðferða við nýtingu jarðvarmaauðlinda.

Egill er með BSc. í vélaverkfræði frá Háskóla Íslanda, MSc. og PhD. í jarðvarmaauðlindaverkfræði frá Stanford háskóla. Hann er einnig aðjúnkt við Háskólann í Reykjavík.“

Um Arctic Green Energy segir í tilkynningunni að fyrirtækið sé leiðandi á sviði endurnýjanlegrar orku. Það sérhæfi sig í lausnum sem byggja á jarðvarma til hitunar, kælingar og til raforkuframleiðslu. „Fyrirtækið er að útvíkka starfsemi sína með samþættingu jarðvarma við aðra endurnýjanlega orkugjafa og hefur tekið þátt í að koma á fót námi á háskólastigi til að þjálfa nýjar kynslóðir af jarðhitasérfræðingum. Félagið er með höfuðstöðvar í Singapore og starfsemi í Kína og Evrópu. Arctic Green Energy á rætur í hinum alþjóðlega viðurkennda jarðhitageira á Íslandi og starfrækir þekkingasetur þar,“ segir í tilkynningunni. 





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.