Bílar

Næsta kynslóð af Dodge Charger og Challenger verða rafbílar

Kristinn Ásgeir Gylfason skrifar
Dodge Charger.
Dodge Charger.

Gömlu vígin falla nú hvert á fætur öðru. Fleiri og fleiri rótgrónir framleiðendur eru að snúa sér að hreinum rafbílum. Dodge er sá nýjasti í þeim hópi og það með sportbílum sínum, Charger og Challenger.

Charger og Challenger eru tveir af vinsælustu sportbílum Ameríku. Báðir eru goðsagnakenndir þökk sé krafti og útliti sínu, viðráðanlegu verði og átta strokka vélum sem hljóma ískyggilega vel.

Margir hefðu haldið að Dodge myndi byrja á að framleiða Ram 1500, pallbílinn sem rafbíl, til að keppa við Ford 150 Lightning og Chevrolet Silverado EV en svo virðist ekki vera.

Fulltrúi Dodge hafði samband við Motor1 vefmiðilinn vegna fréttar sem birtist nýlega. Fréttin fjallaði um að Hemi vélarnar sem nú eru í Charger og Challenger myndu koma aftur í næstu kynslóð bílanna. Fulltrúi Dodge sendi tölvupóst sem hljóðaði svo í þýðingu blaðamanns: „Þessi frétt er röng. Hemi vélin í þessum bílum er að hverfa. Næsta kynslóð verður hreinn rafbíll.“

Næsta kynslóð er væntanleg eftir um tvö ár og virðist samkvæmt öllu eiga að vera rafbíll. Væntingar standa til þess að Dodge kynni áform sín um framleiðslu rafbíla seinna í ágúst.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.