Fótbolti

FH styrkir stöðu sína á topp Lengju­deildar

Atli Arason skrifar
FH er með þriggja stiga forskot á toppi Lengjudeildarinnar
FH er með þriggja stiga forskot á toppi Lengjudeildarinnar FH.is

FH-ingar unnu sigur á sameinuðu liði austurlands, Fjarðab/Höttur/Leiknir, í lokaleik kvöldsins í Lengjudeild kvenna, 2-1. Fyrr í kvöld vann Augnablik 3-0 sigur á Fjölni á meðan Fylkir og Haukar gerðu 2-2 jafntefli.

Hulda Hrund Arnarsdóttir og Vienna Behnke komu Fylki í tveggja marka forystu í fyrri hálfleik. Birta Birgisdóttir minnkar muninn fyrir Hauka með marki úr vítaspyrnu á 48. mínútu áður en Keri Michelle Birkenhead tryggir Haukum stig á síðustu stundu með marki á 92. mínútu.

Var þetta fjórða stig Hauka í sumar og fara þær upp úr botnsætinu og yfir Fjölni í næst neðsta sæti deildarinnar með 4 stig. Fylkir er sæti fyrir ofan, í 8. sæti með 10 stig.

Á Kópavogsvelli átti Augnablik ekki í vandræðum með Fjölni. Hrafnhildur Ása Halldórsdóttir, Harpa Helgadóttir og Sara Svanhildur Jóhannsdóttir skoruðu allar eitt mark í fyrri hálfleik í 3-0 sigri liðsins.

Fjölnir er, eins og nefnt var að ofan, í neðsta sæti deildarinnar með 4 stig. Fjölniskonur eru með lakari markatölu en Haukar. Augnablik fer hins vegar með sigrinum upp í 6 sæti með 12 stig.

Í Hafnarfirði vann FH 2-1 sigur á sameinuðu liði Fjarðarb/Höttur/Leiknir. Berglind Þrastardóttir og Rannveig Bjarnadóttir skoruðu mörk FH á milli þess sem Linli Tu jafnaði metin fyrir Austfirðinga.

FH er því með þriggja stiga forskot á toppi deildarinnar, með 29 stig eftir 11 leiki, en FH á einnig leik til góða á HK og Tindastól sem í næstu tveimur sætum með 26 og 25 stig eftir 12 leiki. Fjarðarb/Höttur/Leiknir eru í fimmta sæti með 21 stig.

Upplýsingar um markaskorara kemur af vef KSÍ.is




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.