Bílar

Pagani ætlar að þróa rafbíla eftir allt saman

Kristinn Ásgeir Gylfason skrifar
Pagani Huayra er sannkallað villidýr.
Pagani Huayra er sannkallað villidýr.

Pagani hefur staðfest að fyrirtækið ætli að framleiða ofurrafbíl þrátt fyrir orðróm um að ekkert yrði að smíðum slíks bíls. Pagani segist vera með annað augað á framtíðarlausnum.

„Við trúum því að það sé tækifæri í framleiðslu rafbíla, með vörum sem í dag eru ekki til,“ sagði talsmaður Pagani í samtali við TopGear tímaritið.

„Þegar vörur bera Pagani merkið, þá verða þær að standa undir stefnunni okkar, léttar, öruggar og vekja tilfinningar,“ bætti talsmaðurinn við. Pagani er að vinna í að koma auga á réttu tæknina með réttum samstarfsaðilum til að koma vörum sínum þangað sem Pagani vill koma þeim.

Horacio Pagani.

Í fyrra sagði Horacio Pagani, framkvæmdastjóri Pagani að engir viðskiptavinir hefðu lýst neinum áhuga á rafbílum eða tvinnbílum. Að sögn Pagani er þyngd rafhlaðanna ennþá helsta fyrirstaða þess að fyrirtækið velji að framleiða rafbíla enda stenst það ekki stefnu framleiðandans.

Áður en Pagani kynnir rafbíl, þá er er C10, arftaki Huayra væntanlegur. Sá verður með V12 Mercedes-AMG vél. Sú vél á að standast allar útblástursreglugerðir sem eru við líði hið minnsta næstu 4-5 árin.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.