Sport

Andrea og Arnar unnu Lauga­vegs­hlaupið

Árni Sæberg skrifar
Arnar Pétursson kom í mark á glæsilegum tíma, 4:04:34.
Arnar Pétursson kom í mark á glæsilegum tíma, 4:04:34. Laugavegshlaupið

Arnar Pétursson var fljótastur að hlaupa Laugaveginn í karlaflokki á tímanum 4:04:53 og Andrea Kolbeinsdóttir var hlutskörpust kvenna á nýju brautarmeti, 4:33:07. Í fyrra varð hún fyrst kvenna til að hlaupa kílómetrana 55 á minna en fimm klukkustundum.

Hið árlega Laugavegshlaup hófst í morgun þegar ríflega fimmhundruð hlauparar lögðu af stað frá Landmannalaugum. Árlega hleypur hópur fólks fimmtíu og fimm kílómetra yfir Laugaveginn á hálendi Íslands. Íþróttabandalag Reykjavíkur heldur Laugavegshlaupið en Silja Úlfarsdóttir upplýsingafulltrúi ÍBR, segir hlaupið hafa farið vel af stað þrátt fyrir slæma veðurspá.

Nú liggja fyrir úrslit í bæði karla og kvennaflokki. Arnar Pétursson vann í karlaflokki, Andrew Douglas hreppti annað sæti og Kris Brown í því þriðja. Andrea Kolbeinsdóttir vann kvennaflokkin en hún er eina konan sem komin er í mark í Húsadal í Þórsmörk. Íris Anna Skúladóttir er fremst kvenna sem eftir eiga að koma í mark og Elísabet Margeirsdóttir er næst á eftir henni. Elísabet er að hlaupa sitt þrettánda Laugavegshlaup.




Fleiri fréttir

Sjá meira


×