Viðskipti erlent

Evran fékkst á dollara í fyrsta sinn í tuttugu ár

Vésteinn Örn Pétursson skrifar
Gengi evrunnar gagnvart Bandaríkjadollara er lágt um þessar mundir.
Gengi evrunnar gagnvart Bandaríkjadollara er lágt um þessar mundir. Gerard Bottino/Getty

Evran og Bandaríkjadollari voru jafn mikils virði fyrr í dag. Það er í fyrsta sinn í 20 ár sem gengi gjaldmiðlanna tveggja er það sama.

Á vef CNN er greint frá því að gengi evru hafi lækkað um tólf prósent frá upphafi árs, og í dag náð nákvæmlega sama gengi og Bandaríkjadollar. Gengi gjaldmiðlanna tveggja var því einn á móti einum áður en gengi evrunnar hækkaði á nýjan leik.

Gengi evru gagnvart Bandaríkjadollara hefur ekki verið lægra síðan seint á árinu 2002, og telja margir sérfræðingar að gengið gæti komið til með að lækka enn frekar.

Þannig telur George Saravelos, sérfræðingur hjá Deutsche Bank, að svo gæti vel farið að evran muni brátt kosta minna en einn dollara, eða um 95 til 97 sent.

„Það er að segja ef Evrópa og Bandaríkin sigla bæði inn í efnahagslega lægð, á sama tíma og seðlabanki Bandaríkjanna hækkar stýrivexti,“ hefur CNN eftir Saravelos.

Evrópusambandið Bandaríkin


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið